[14. Juni 1683] III. congregatio 14. Junii. [fol. 40v] Virgilius Schweiger caupo quidam in suburbio vulgo in der Alstergassen bey dem Kühefues accusavit Martinum Schlinsky balneatorem ad S. Dorotheam, quod per curam mercurialem praepostere sibi administratam ad extremam miseriam eum perduxerit dum per ineptam mercurii exhibitionem salivationem causare volens, os ipsi ita occlusit, ut nec comedere nec bibere aut loqui posset, ut tandem balneator gingivas scindere, dentes aliquot effringere summaque vi os aperire coactus fuerit, ipsum tandem sine fructu ita miserum dereliquerit. Petiit itaque 60 flor., quos balneator pro hac cura extorsit, sibi restitui damnumque resarciri. Balneator curam hanc per medicamenta domi suae parata se peregisse fassus est, tales curas professioni suae competere, asserens quod plures similes peregerit. Re utrinque bene examinata facultas sententiam cauponi adjudicavit, quod illum citra methodum curaverit ac destraxerit, conclusitque, ut balneator siquidem contra juramentum falcem suam in medicorum messem immisit, medicamenta nimirum intema praeparando, exhibendo praesertim mercurialia (quod vi privilegiorum nostrorum lege caesarea cautum est) et morbos intemos extra professionem suam curando, idcirco pro poena 24 imper. facultati deponat et patienti suos 60 flor. inique extorsos restituat, ad quod caupo in foro competento ipsum compellare poterit.

Hic balneator per rabulam quendam instructus contra facultatem tanquam forum non competentem scripto excepit adeoque jus in simili casu ipsum puniendi facultati denegavit sicque mulctam dare recusavit, licet omnia contraria ex privilegiis nostris ipsi suoque advocato ad oculum sint demonstrata.

Dom. Joannes Franciscus Xaverius Wienheimb Viennensis phil. et med. dr. Bononiae promotus supplicavit pro actu repetitionis et admissus est. [fol. 41r]