[10. April 1696] III. congregatio 10. Aprilis. Dubitabatur, an testimonium Garelli sit sufficiens pro nostro gremio. [fol. 131v] Videtur solummodo parochiale. Ast consideratis omnibus circumstantiis validum judicavit facultas, quia a vicario generali j. u. dr. tam in spiritualibus quam temporalibus fuit insignitum.

Facultas Ulmensis potit a facultate nostra assistentiam circa lithotomum hic examinatum Joannes Borraus, qui testimonium et privilegium curandi morbos internes caesareum ex cancellaria consilii imperialis aulici nescio quo titulo habuit et mille excessus et errores in curatione fecit. Respondit facultas, quod si causa haec ad imperatorem devoluta fuerit, omni meliori modo commendare velit. Ego interim ita laboravi apud nonnullos consiliarios, ut ad extradendum suum privilegium lithotomus fuerit coactus. Rescripsit facultas et egit gratias.

Dom. Mayr accusat dom. Eckstein ex lege aequitatis, quod suam uxorem male secuerit in naso. Facultas suadet in re tam ardua amicabilem compositionem ad quam constituit commissarios D. Ilmer, Pock et Heiden.