[6. Dezember 1704] Ultima congregatio die 6. Decembris. Per annum rectoratus D. von Drohn in seniorem consistorialem electus est D. von der Heyden. Proposui, quod ille qui rectori substituendus est, in munere professoris primarii etiam vi caesareae constitutionis substituendus in munere senioris consistorialis. Tunc D. von Drahn promisit se (licet sit rector) nihilominus professura praxeos primaria functurum, quapropter licuit D. von der Heyden perseverare per illum annum in officio senioris.

Accepta: Ab antecessore 85 flor. 46 cruc., annuum censum de 2000 flor. — 100 flor., ab examinatis 27 flor., [fol. 181r] ab adjutricibus immatriculatis 13 flor. 30 cruc., ab immatriculatione stud. 6 flor. Summa: 232 flor. 16 cruc.

Expensa: Quamvis in festo Ss. Cosmae et Damiani ab oratoris parente tum pro imprimendis ac compingendis orationis exemplaribus, tum pro tubarum et tympanarum musica tum pro saccharatis vinoque malvatico 100 flor. acceperim, nihilominus expendendum fuit pro processione et officio 15 flor., pro musica vocali 15 flor., curiae sacerdotibus 1 flor. 30 cruc., famulis 45 cruc., pedello 9 flor. Summa: 45 flor. 15 cruc. Dedi successori 175 flor. 46 cruc. Restant: 5 flor. 15 cruc. [fol. 181v]