Clemens¹⁾ episcopus seruus seruorum dei Uniuersis Christi fidelibus presentes litteras inspecturis Salutem et apostolicam benedictionem. Splendor paterne glorie qui sua mundum illuminat ineffabili claritate pia uota fidelium de clementissima ipsius maiestate sperantium tunc precipue benigno fauore prosequitur, cum deuota ipsorum humilitas sanctorum precibus, et meritis adiuuatur. Cupientes igitur ut ecclesia Salzeburgensis, in qua ut asseritur, sanctorum Ruperti et Virgilii, ac Martini eiusdem ecclesie patronorum corpora requiescunt congruis honoripus frequentetur, et ut Christi fideles eo libentius causa deuotionis confluant ad eandem, quo ibidem uberius dono celestis gratie conspexerint se refectos. Nos de omnipotentis dei misericordia, et beatorum Petri et Pauli Apostolorum eius auctoritate confisi omnibus uere penitentibus, et confessis qui in singulis sanctorum Ruperti et Virgilii, ac Martini predictorum festiuitatibus prefatam ecclesiam deuote uisitauerint, annuatim Vnum Annum. et Vnam Quadragenam de iniunctis eis penitentiis, singulis uidelicet festiuitatum ipsarum diebus, quibus ecclesiam ipsam uisitauerint, ut prefertur misericorditer relaxamus. Datum Auenione VI Kal. Februarii Pontificatus nostri Anno Secundo. ||
Sig. plumb. Clementis PP. VI.

Source Fulltext: DOPPLER