Cum inter nos ++ Eberbardum ++ Salzburgensem archiepiscopum ex una parte et Cvnradum abbatem, Fridericum priorem et Reinhardum portenarium de Chaishaim nomine nostro et capituli super emptione et venditione predii, quod habet dictum monasterium apud Chrv/ombel, tractatus haberetur, taliter convenimus et ad invicem promisimus stipulando, ut hinc usque ad octavam Pentecosten proximo venturam emptionem et venditionem dicti predii deberemus omni occasione postposita consummare sexcentarum marcarum ponderis Salzburgensis pretio constituto pena vero centum marcarum alteri ab eo persolvenda, qui dicte conventioni non staret et contractum emptionis vel venditionis, ut supra diximus, non impleret. Et ut hec procedere debeant ad effectum, presens scriptum de utriusque partis consensu conscribi fecimus et sigillorum nostrorum munimine roborari et nomina testium, qui presentes erant, ex ordine subnotari: Albertus prepositus Salzburgensis, Chv/ono decanus eiusdem loci, Symon abbas sancti Petri Salzburgensis, Cv/onradus abbas de Raitenhasela, Wernherus prepositus de Solio, Cv/onradus burcgravius Salzburgensis, Otto de Kvnegesberc, Heinricns de Rôre, Cv/onradus de Chalhaim, Albertus de Nohstein, Cv/onradus de Gebehertingen.||
Acta sunt hec in capella domini archiepiscopi Salzburc, anno domini M°CC°XX°IIII°, VIII° idus augusti.||
S.^a) S.^b)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 320-321.