Eberhardus dei gratia Salzburgensis ecclesie archiepiscopus, apostolice sedis legatus, omnibus presentibus et futuris presentem paginam inspecturis salutem in vero salutari. Apostolica auctoritate instructi, que dicit: Operemur bonum ad omnes, maxime autem ad domesticos fidei, (Gal. 6,10.) omnibus, quibus deo disponente pastorali cura presidemus, in communi providere iustum putamus, sed pre ceteris hiis, qui in capite sedis nostre mansiones in domino acceperunt. Noscat igitur presens etas et successura posteritas, quod cum dilectus et fidelis ministerialis ecclesie nostre E(kkehardus) dictus de Tanne quoddam feodum Gaizzo/vwe nuncupatum a nobis per tempus aliquod denuisset, ipsum tandem capitulo ecclesie nostre vendere pro summa centum viginti librarum denariorum Salzburgensium monete totaliter cogitavit petens a nobis tam ipse quam capitulum, ut eodem feodo a nobis recepto capitulo prefato proprietatem eo iure, quo ad nos spectabat, dare liberaliter dignaremur. Cui petitioni benignum prebentes assensum ab ipso recipientes sepefato capitulo nostro tam idem prediolum quam quidquid iuris videbamur habere ibidem iudicio excepto duximus integraliter assignandum officiali nostro in Atnat, qui pro tempore fuerit, conmittentes, ut vice nostra omnes questiones inter eosdem colonos emergentes iure iudicis debeat terminare. Terminos etiam, ne postmodum inde lites alique oriantur, ipsius predii duximus distinguendos. Protenditur enim a Ru/odmanspach ultra Rotenwante super alpem Cyssenperge in longum, medietate eiusdem alpis inclusa, in latum vero ab Yrchelpach usque in summitatem montis A/Emzensperge nuncupati. Ne igitur hec nostra donatio possit vel debeat a quoquam in posterum revocari, presentem inde cartam conscribi et sigilli nostri iussimus munimine roborari. Huius rei testes sunt: dominus Gerhohus de Matse, Rudgerus de Percheim, Vlricus de Chalheim, Karolus de Gebningen, Heinricus de Pru/onningen, Otto de Matrey, Gerhohus marschalcus, Chunradus de Vager, Volchmarus de Mosen, Marquardus de Percheim, Chu/ono de To/erringen, Otto de Walde, Isengrimus, Chunradus dictus Teisingarius *, Rudgerus de Tanne, Wernhardus lo/ener, Heinricus de Gastaige et alii quam plures. Acta sunt hec anno domini millessimo^a) ducentesimo quadragesimo quinto. S.^b)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 607.