Ego Ekkehardus de Tanne ministerialis ecclesie Salzburgensis tenore presentium profiteor me de bona voluntate et consensu domini mei archiepiscopi feodum in Gaizzo/vwe, quo ab ipso fueram infeodatus, in silva Yrchelpach nuncupata culta et inculta, quesita et inquirenda nulla michi vel hominibus meis parte retenta omni iure et terminis, prout in privilegio dicti domini mei archiepiscopi est expressum, preposito Ottoni et capitulo Salzburgensi sine qualibet diminutione vel retentione pro summa denariorum centum viginti librarum finaliter vendidisse ac idem feodum in manum prefati domini mei archiepiscopi ita, ut ipse proprietatem traderet memorato capitulo, resignasse. Quod etiam me presente aliisque testibus subscriptis de sua liberalitate et benivolentia est plenarie executus. In evidentiam igitur eiusdem venditionis, ne per heredes meos vel me super hiis postmodum questio capitulo sepedicto in aliquibus scilicet predio vel iuribus ibidem moveatur, presentem cartam conscribi et sigilli mei dignum duxi munimine roborari. Acta sunt hec anno domini millesimo ducentesimo quadragesimo quinto. Huius rei testes sunt: dominus Gerhohus de Matse, Rudgerus de Percheim, Vlricus de Chalheim, Karolus de Gebningen, Heinricus de Pru/onningen, Otto de Matrey, Gerhohus marschalcus, Chunradus de Vager, Volchmarus de Mosen, Marquardus de Percheim, Chu/ono de Torringen, Otto de Walde, Isengrimus Teisingarius, cives Salzburgenses, Rudgerus de Tanne, Wernhardus lo/ener, Heinricus de Gastaige et alii quam plures.||
S.^a)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 606.