Nos Eberhardus dei gracia Salzburgensis archiepiscopus, apostolice sedis legatus, hoc scripto patere volumus universis, quod Poplino de Muldorf pro septuaginta libris Salzburgen(sibus), quas de mandato nostro vigilibus de Dorenberch et castellanis tradidit nec non pro quadraginta libris, quas idem Poplinus et generi sui Karolus et Gallus nobis aput Mvldorf pro nostris necessitatibus mutuarunt, possessiones nostras videlicet aput Locheîm mansos septem, aput Ehertingen curiam unam villicalem, molendinum unum et mansum unum et dimidium, aput Meslingen mansum unum preter solidos tres denariorum Salzburgen(sium), qui contingunt Vitulum de Bvrchovsen nomine obligacionis, que in universo continent viginti librarum redditus, assignavimus obligacionis titulo tali forma, ut dicte persone de ipsis possessionibus consuetos accipere redditus teneantur nec ab eisdem possessionibus nostros homines valeant removere et obligacione huiusmodi non obstante homines in prefatis possessionibus residentes cum aliis nostris hominibus stevras^a) inponimus ipsi ad dandam steuram nobis sint similiter obligati. In huius rei testimonium hanc scribi iussimus litteram nostrique sigilli munimine roborari. Sunt eciam huius rei testes: dominus Libhardus de Tegerwac, dominus Heinricus de Harschirchen, Saxo, dominus Eberhardus de Wenge et filius suus Eberhardus, dominus Albertus de Levterchouen, dominus Eberhardus de Eberhartingen et filius suus Eberhardus, dominus Heinricus de Chatzpach, dominus Vlricus de Sikingen, Chunradus revter, Vlricus de Hvbe Albertus marschacus^b), Chunradus graempher et phaplingaer, cives in Mvldorf et alii quam plures. Dat. aput Mvldorf, anno domini M°CC°XL°VI°, non. apr., ind. IIII. S.^c)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 634.