++ Gregorius ++ episcopus servus servorum dei venerabili fratri archiepiscopo Salzeburgensi salutem et apostolicam benedictionem. Superna et ineffabilis providentia conditoris sacrosanctam Romanam ecclesiam omnium ecclesiarum matrem instituit et magistram, ut prelata ceteris merita respiceret singulorum et ad similitudinem eterni et iusti iudicis unicuique pro meritorum qualitatibus responderet. Unde illos, quos fideles filios repperit, clementiori tractare gratia consuevit, et quos ferventiores circa suum obsequium intuetur, multiplici prerogativa honoris est solita sublimare. Nos igitur, qui in apostolica sede principi apostolorum, licet insufficientibus meritis, superna dispositione successimus, reverentiam, devotionem et sedulitatem obsequii, quam ad nos et Romanam ecclesiam habuisse hactenus et nunc habere dinosceris, diligentius attendentes et considerantes etiam, quod, sicut minister Christi et ministeriorum dei, providus dispensator familie tibi credite non plus preesse cupiens quam prodesse in commisso tibi grege, non que tua sed que sunt Iesu Christi requiris, specialem tibi facere gratiam et te, quantum cum deo possumus, intendimus honorare. Cum enim tibi et successoribus tuis ferendi crucem in Salzeburgensi provincia, sicut asseritur, a sede apostolica sit indultum,¹⁾ devotis tuis precibus inclinati fraternitati tue de fratrum nostrorum consilio auctoritate presentium personaliter indulgemus, ut salutifere crucis vexillum ante te facias ubique deferri, nisi in urbe Romana et ubicumque fuerit summus pontifex aut legatus a suo latere destinatus. Nulli ergo omnino hominum liceat hanc paginam nostre concessionis infringere = n° 705 = incursurum. Dat. Reate, IIII non. aprilis, pontificatus nostri anno sexto.^b)||
B.^c)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 422-423.