Wier swester Geysel ze den yeiten Priorinn dacz Minnpach vnd sampnung all da selbs veriehen vnd tvn chunt allen di disen prief Iesent oder horent lesen, di nv lebent vnd her nach chunftig werdent, daz die erberen geistlichen vrowen vro Anna ze den zeiten Aptessin dacz sant Bernhart vnd di sampnung all dez selben chlosters mit vnsrem gvtlichem willen geben habent Chvnraten in dem Tal vndGedrauten seiner hausvrowen vnd ier paider erben aein jeuch weingarten, der da leit dacz Rehperch vnd haizzet di sachsensacz, von dem man vns alle iar dient an sant Michels tag sechszehen phenning also bescheidenlieh, daz in der e genant Chvnrat oder wer den weingarten inne hat alle iar an sant Jorgen tag ze rechtem purchrecht in iern hov dacz Leubs dien schol zwelif schilling wienner phenning. Tet wier dez nicht, so schol fvrbaz auf den dienst wandel gevallen, alz purchrechtes recht ist vnd gewonheit in dem land ze Osterreich. Vnd dacz di sach gancz vnd vnzebrochen beleib geb wir in disen prief versigelten mit vnsrem insigel vnd mit der sampnvng insigel. Dicz dinch ist geschehen vnd der prief ist gegeben da man zalt von Christes gepurd drevczehen hundert iar, dar nach in dem sechs vnd vierezigistem iar an sant mertein tag.

Source Fulltext: ZEIBIG, Stiftungsbuch (=FRA II/6, Wien 1853) S. 296