In nomine sancte et indiuidue trinitatis notificamus, quia ego v^odalricus dignatione dei patauiensis ecclesie episcopus cum consilio concanonicorum et aliorurn fidelium confirmamus concambium, quod factum est sub temporibus felicis memorie altmanni predecessoris nostri inter marchionem Otacharum et iam dictum episcopum. Hoc est autem concambium. Idem marchio tradidit in manu episcopi altmanni et eius aduocati v^odalrici mansum unum ad beheimberge et aream, ubi constituta est ecclesia et remisit episcopo altmanno decimationem contiguarum uillarum eo tenore, ut ecclesia garstyna perpetuo iure obtineret concessu episcopi et successorum eius omnia, que interiacent inter rubicham (sic) inferius urbem styram manantem et rubinicham superiorem et infra fluuium anesum et fluuium styram usque in rotinpach et ultra styram dotem illam et molendinum cum iure suo et curtim illam, ubi ex altera parte rubicha labitur in anesum, cum omni culta et inculta decimatione et toto iure sacerdotali. Et ut hec predecessoris nostri constitutio firma, illibata inconuulsaque perpetuo persistat nec alicui successorum nostrorum liceat eam infringere, priuilegio nostro bulla nostra impressa, sic ut ipse corroborauimus. Si qua igitur ecclesiastica secularisue persona contra eam temere uenire presumpserit monasteriumque garstense ab eodem marchione constructum et eodem concambio dotatum inquietauerit, ream se diuino iudicio existere de perpetrata iniquitate cognoscat atque propter hoc in extremo examine districte ultioni subiciendum non dubitet.

Source Fulltext: OÖUB 2 (Wien 1856) S. 133-134