In nomine sancte et indiuidue trinitatis amen. Ego Otakarvs diuina largiente gratia dux styrensis, quicquid ob dei amorem locis sanctorum beniuola deliberatione concedimus vel donamus, hoc ad saluationem corporis et anime nostre fore liquido creditur, ut, qui in dei laude iugiter persistunt, exinde sepius et deuotius in nostra possint memoria permanere. Icirco notum sit omnibus nostris successoribus et sancte dei ecclesie fidelibus tam presentibus quam futuris, qualiter nos iuxta fluuium gabelenz duos mansus cum nemore ad locum sancte dei genitricis marie Garsten fratribus inibi deo famulantibus propter remedium anime nostre et omnium parentum nostrorum, quorum traditione et auxilio idem locus constructus esse cernitur, cum omni iure, quo ad nostrum pertinebant seruicium, tradidimus, uenationibus, piscationibus, cultis et incultis, mobilibus et inmobilibus, quesitis et inquirendis, exitibus, et reditibus, et ut fratres liberam potestatem habeant faciendi, quicquid ob ecclesie conmoditatem ex illis elegerint, nullo contradicente et inquietante. Insuper unum mansum u^ehsenberch, quem tres incolunt uiri, ob dei amorem et anime matris nostre redemptionem cum omnibus illuc rite pertinentibus super reliquias sanctorum iam dicti cenobii nos delegasse sub testimonio conprobatur. Alium uero iuxta ecclesiam hus, quem quedam nobilis femina domna Gisla de eussar pro eterne remunerationis premio eidem loco libera manu contulit, hunc in usum fratrum redisse concessimus. Huius autem tradicionis aduocatiam uel nobis uel alicui successori nostro quempiam inbeneficiare liceat. Siquis uero tocius facti transgressor extiterit, delictorum nostrorum coram deo reus teneatur. Et ut hec nostre largitionis auctoritas stabilis et inconuulsa omni permaneat euo et nullus aliquid de bonis prefate ecclesie auferre atque ab eodem loco alienare potestatem habeat, hoc priuilegium precepto nostro conscriptum propria manu corroborantes sigilli nostri inpressione et Lvipoldi ducis austrie nostri cognati iussimus insigniri. Pro his et pro ceteris bonis, que prenominatis fratribus conferre debemus, jter nostrum ierosolimam cum una missa de S. Maria per unius anni spatium domino cottidie conmendant et aliam post nostrum de hac luce discessum pro defunctis ob salutem anime nostre singulis diebus celebrabunt ac uelud uni eorum prebendam nobis in euum prestabunt. Huius rei testes sunt, Erchinbertus de haginuwe, Fridericus de berge, herrandus de wildonie, Richerus de marchpurch, Dietricus de hohensto^uphe, Arnoldus de wartenburch, Ernest de trun, Dietricus de pollenhaim, Fridericus de migirsdorf, Heinricus de hofuwe, Albero de lohhuse, Dietmarus tapiuer et frater eius V^olricus de butenuwe, Wolfger de pernrute et frater eius Ortolphus, Wvlfingus camerarius, Wolfpreht, V^olrich preco, Alram, Hartunch, Herrant, dietmar, Gerunc de stutaren, Cunradus Herschaph, Fridericus de schatowe, fridericus de pettowe, Heberhardus de pernow^oe, Herchingerus de landesere, Heinricus de Treisen, Imbriecus magister cellarii.

Source Fulltext: OÖUB 2 (Wien 1856) S. 426-427