Dominis in christo reuerendis et semper diligendis G. dei gratia uenerabili episcopo et Capitulo patauiensi R. in Chremsmvnster, D. in Sitanssteten et P. in Glv^onich abbates et Capitulum in domo sancti Floriani cum debita reuerentia orationes et obsequium. Instrumenta ecclesie Garstensis inspeximus cum sigillis arbitrorum et bone memorie domini Vlrici pataviensis episcopi sub ea continentia, quam (sic) sigillis nostris munitam cernere potestis. In nomine patris et filii et spiritus sancti. Rvdolfus dei gratia in Cremsmvnster etc.*) Domino suo dilecto V^ol. dei gratia patauiensi episcopo G. abbas, F. prior in admvnd, H. archidiaconus De Grusharn iudices ab apostolica sede delegati deuotum cum orationibus obsequium. Ab apostolica sede in mandatis accepimus, ut causam, que uertebatur inter abbatem de Garsten ex una parte et Archidiaconum plebanum de Wartperc ex altera, super quibusdam decimis in Ramsowe debito fine terminaremus. Cumque ita partes citassemus, tam archidiaconus quam abbas per suas litteras nobis significauit (sic), quod medio tempore ad pacificam conpositionem conuenientes in arbitros conpromiserunt sub pena decem librarum promittentes, quicquid illi inter ipsos arbitrarentur, se ratum habituros. Ipsi uero preuia ratione uolentes decidere litem div prorogatam de cause meritis plenius agnouerunt. Et cum tandem tam ex confessione partivm quam ex assertione hominvm coram eis constitutorum fuissent certiores, quod decime et homines, de quibus questio inter partes vertebatur, ad ecclesiam spectarent Garstensem, quum plebanus memoratus nomine Garstensis ecclesie homines et decimas tenuerat memoratas et is possideat, cuius nomine possidetur, arbitrando decreuerunt, quod heinricus plebanus in wartperc recognosceret homines et decimas se nomine Garstensis ecclesie possidere, quoad ipse uiueret tantummodo, ecclesie in wartperc perpetuum super eisdem silentivm imponentes, ipso quoque defuncto homines et decime Garstensi absque omni contradictione cederent ecclesie. Porro, ut predicta controuersia in posterum sopita permaneat, excellentia uestra dignetur predictum arbitrium auctoritate pontificali confirmare.||
Reuerendis dominis G. dei gratia admvntensi abbati, H. arcipresbitero in Grusharn, A. priori in admvnt, H. canonicus patauiensis deuotvm cum orationibus obsequium. Cum ivdices delegatj a sede apostolica ad litem decidendam, quam cum domino R. abbati (sic) uenerabilj in Garsten diu iniuste contraxi (sic)*) significare uobis duxi, liti totaliter me renuntiasse ob reuerentie uestre causam coram testibus in litteris dominj abbatis de Garsten annotatis sciens me nullam iuris uel litis habere facultatem. Vlricus dei gratia episcopus (wie Nro. 425, OÖUB, Zweiter Band).

Source Fulltext: OÖUB 2 (Wien 1856) S. 625-626