Otacharus dei gratia dominus Regni Boemie, dux Austrie et Marchio Moravie Omnibus presentem paginam inspecturis salutem in domino*). Sepe solent principes de sua gratia liberali Monasteriorum conmoda nouis profectibus instaurare, ut in eisdem regi celi diuturnius famuletur opere spiritali; sed ne donatorum serenitas aliqua infirmitatis putredine per obliuionis molestias perfundatur, idcirco de gratia speciali prudens nobilitas emplastrum consveuit apponere scripturarum, ut exinde discat ignorantia, qvid tenendum et temporalis uetustas pre oculis habeat, quid cuilibet sit seruandum. Sane cum dilectus nobis Gerungus abbas Gerstensis Monasterij cum suis fratribus petiuisset a nobis humilitate sincera, quatenus, cum ipsi sub nostris prediis, in qvibus tota decima est illorum, locum non habeant conpetentem, ubi fructus recolligant decimarum, nos in huiusmodi defectibus prouidere dignaremur eisdem. Sciant igitur vniuersi, quod nos sepe dicto Monasterio de nostris prediis duorum talentorum redditus fecimus assignari, videlicet in officio Ternperch predium Leonis in Erzperge et Mansum Pilgrimi grupel Curiam in der Gerstn et in officio Moln predia Marquardi et Heinrici in Gaizperge, prediola Chunradi in uia et vidue super Puhel, sic nominatim expressos, non ut temporaliter hec proficiant Monasterio prelibato, sed in proprietatem perpetuam couseribantur omni futuro tempore duratura cum omnibus suis attinenciis pleno iure ob nostre salutis remedium et dilecte nostre coniugis Margarete. Vt autem huius nostre donationis series ab omnibus nostris successoribus inuiolabiliter obseruetur et sit in memoria tanquam recens ivgiter permansura, presentem paginam nostrorum sigillorum munimine roboratam dicto abbati et fratribus decreuimus assignandam. Testes autem sunt hij: Magister Wilhaelmus et Magister Gotschalcus prothonotarii curie, Magister Heinricus, Witigo scriba Anesi, Heinricus pincerna de hovspach, Chunradus de hintperch, Otto de Meissawe, Chunradus de Cekkinge, Albertus et Ludwicus fratres de Celking, Dietmarus de Styria et alii quam plures. Datum et Actum in Linza Anno domini M. CC. LV. Indictionis terciae decime.

Source Fulltext: OÖUB 3 (Wien 1862) S. 220-221, Nr. 226