Ich Hainrich von volchenstorf heren Ortolfes su^en tun an disem brief chunt allen den, die in sehent, ho^erent oder lesent, die nů sint lebent oder nah yns chu^enfftich werdent, daz ich das gůt, daz ich gechouffet han ze hartmanstorf von vron Elzbeten Minhartes tohter da selben von Hartmanstorf vnd von ir wirtte wolfharten, gegeben han lovterlichen fv^er rehtes aigen durch miner sele willen vnd miner vodern hinz dem Chloster ze Goersten alain v°f sand Marien Magdalenen alter ze dienen in der Chappelle daz den drin altaern vnd han daz tan bi abt vlriches zeiten. V^eber daz selbe vor genantes gv^et ze hartmanstorf sol er min herre abt vlrich ganzen gewalt haben nah allem sinem willen vnd swie in gv^et duncht, des sol in nieman engen vnd doch also, daz daz selbe gv^et sand Marien Magdalen vor ir alter weder von im selben noch von den herren vnd aepten, die nach im chv°nftich werdent, durch icht emphro^emdet ewichlichen werde. Swer ouch im minem herren abt vlrich vnd dem Goteshovse dhain chriechk fv^erbaz v°f dem gvt tv°t, so sol ich des Gv°tes sin gewer vnd sin schermaer sin vnd des Goteshovses oder min erben nah mir oder ander min naehste frivnd vnd affterchvnfft, vnz der chriechk ende hab, wir veriehen ovch, daz weder min erben noh miner frivnde dhainer chan (sic) reht drauf haben machk noh ensol, wan iz rehtes aigen ewichlichen ist. vnd daz dem Gotshovse daz vnzebrochen belibe von allen minen frivnden, daz han ich gestaetigt vnd veruestent.

Source Fulltext: OÖUB 5 (Wien 1868) S. 144-145, Nr. 146