Nos vlricus diuina Miseracione abbas totaque congregatio cenobij Gestensis notificamus tam presentibus quam futuris vniuersis Hanc paginam inspecturis, Quoniam iuuentus hominis senectute pregrauatur et eum temporibus memoria hominum tanquam vmbra meridiana redigitur. ad nichilum iuxta illud: Testamentum enim hominis morte morietur, nisi scripturarum karacteribus roboretur, congruum ergo esse dinoscitur, vt de futuris periculis corporis siue anime caueatur; hinc est, quod ex conmuni consensu nostri atque conuentus quedam bona ob diuini officij et sanctorum honorem ampliandum nostreque salutis anime remedium ad capellam sancte Marie Magdalene illuminandam perpetualiter contulimus has possessiones in toto cum redditibus earundem, videlicet Curiam aput officialem in weiztra et feodum in purchholz in officio de weiztra et feodum in hartmanstorf in officio de haslech, que nostris temporibus conparauimus domino concedente ita, quod superfuerit lumini, debet ad altaris cedere ornamentum. Vt hec rata sint et inconcussa permaneant, hanc cartam conscripsimus nostro sigillo atque conventus nostri firmiter consignatam. Acta sunt hec anno domini M°.CCC°.XV°. in die sancti Rudperti Archiepiscopi VI. kalendas aprilis.

Source Fulltext: OÖUB 5 (Wien 1868) S. 144, Nr. 145