Ich Peter ponhalm offen an disem prief allen den, die in lesent oder horent, di nv lebent vnd noch vns cho^ement, Daz ich mit verdachtem mvt vnd mit gu^etlichem willen miner erben apt Otten vnd der Sampnvnge des Gotshaus ze Gersten han gegeben die aigenschaft an dem Gu^et in dem Erlech, da auf siczet wernhart, vnd han daz getan durch Got vnd durch miner sel hail vnd miner vodern vnd pin ich auch vnd min erben des selben gutes gewer fu^er alle ansprach an aller stat, da ich ze reht sol. Daz di red stet vnd vnzerbrochen beleib dem Gotshaus ze Gersten, gib ich disen prif versigelt mit minem insigel vnd sint des zevge Her Heinrich vnd Her marchart prevhefen, Ditrich von volchenstorf, Ott Hurnbech, Heinrich vnd Jans bruder, thomas, Heinrich enser, peter, Heinrich lipker, Stephan, Ortolf chastner des aptes diener van Gersten vnd ist daz geschehen nach Christes gepurde vber drevzehen hundert jar vnd darnach in dem ahtzehenten jar an Sand Andrestag.

Source Fulltext: OÖUB 5 (Wien 1868) S. 232, Nr. 236