Ich Chunrat van plesse vergich vnd offen allen den, di disen prif lesent oder horent, di nv lebent vnd nach sint chvmpftig, Daz ich mit verdachtem mvt vnd mit gutlichem willen min vnd miner hausvrowen vren Leukarten vnd mit aller vnser erben gutlichem willen han gegeben ze selgeret den wechsil daz Gut an dem graben hintz Gersten auf vnser vrowen alter durch miner vnd aller miner vodern sel willen. Daz di sach stete vnd vnzerbrochen dem Gotshaus ze Gersten beleib, gib ich disen prif ze vrchunde versigelt mit minem anhangundem Insigel vnd ist daz geschehen, da nach christes geburde warn drevzehen hundert Jar vnd dar nach in dem vier vnd zwainzisten Jar des Svntages nach aller Heiligen tag.

Source Fulltext: OÖUB 5 (Wien 1868) S. 411, Nr. 414