Serenissimo principi domino Friderico Romanorum Regi ... domino suo gracioso Abbas et Conveutus Monasterii in Gersten patauiensis Dyocesis orationes in christo sedulas et deuotas. Cum a vestra celsitudine Centum libras denariorum Wiennensium recepimus pro vna missa perpetua et anniuersario in dicto nostro Monasterio Gerstensi pro vestra et vestrorum progenitorum salute celebranda perpetuo et annis singulis peragendo, Serenitati vestre hoc munus tam dignanter nobis exhibitum pia et deuota vicissitudine rependere cupientes libero et concordi omnium nostrorum consensu vnam ex nunc instituimus in nostro Monasterio missam perpetuam pro salute vestra in vita vestra pariter et in morte per ebdomadarium ad hoc specialiter institutum cottidie celebrandam el eidem ebdomadario singulis diebus specialem ac bonam pitaneiam, ut eo deuotius et libentius celebret, promittimus porrigendam, Volentes insuper in vita vestra singulis annis peragere anniuersarium omnium progenitorum vestrorum in die beatorum Philippi et Jacobi apostolorum, Vobis autem decedente (sic) in ipsa die obitus vestri ipsum anniuersarium cum sollempni officio, vigilia ac misa defunctorum perpetuo celebrandis (sic). In cuius rei testimonium sigilla nostra appendimus huic scripto. Datum in Styra anno domini M.CCC.XXVIIII. In vigilia sancti Mathye apostoli.

Source Fulltext: OÖUB 5 (Wien 1868) S. 536-537, Nr. 536