Wier Albrecht vnd Ott von Gotes gnaden Hertzogen ze O^esterreich vnd ze Styr Veriehen vnd tu^en kunt offetilich mit disem brief vmb den Chrieg, den vnser getrewen Albrecht vnd Hainrich von Volchensto^erf mit dem erbern geistlichen Mann, dem Aptt vnd dem Gotshous ze Gêrsten vmb ein Gerichtte habent, daz ez von vnsern Landherren vo^er vnser erfunden vnd ouch ertailt ist, daz der selb Aptt vnd sein Gotshous bei allen den rechtten des selben Gerihttes beleiben sullen an alle ierrung, als die Hantfest vnd die brief sagent, die der selb Aptt vnd sein Gotzhous von vnsern vo^eruordern doruber habent. des geben wier zv v^erchund disen brief, Der geben ist ze wienn, do man von Christes gebu^erde zalt Taûsent Dreûhundert jar, darnach in dem drey vnd drizzigistem jar an Suntag nach sand Phylippes vnd sand Jacobs tag.

Source Fulltext: OÖUB 6 (Wien 1872) S. 93f., Nr. 84