Albertus dei gracia Patauiensis Episcopus Venerabilibus et Religiosis viris Heinrico Abbati et Conuentui Monasterij Gerstensis, Ordinis sancti benedicti nostre dyocesis salutem et affectus in domino salutares. Juste supplicancium desideria digne exaudicione grata confouentur, presertim cum ad fidelium deuocionem prouocandam et ad sanctorum veneracionem vergunt ampliandam. Informacione igitur vestra recepta, quod vobis et Monasterio vestro expediret, vt dedicaciones Ecclesie vestre ac omnium altarium in ea fundatorum vno eodemque die anniuersario annis singulis peragantur, quia per hoc christi fidelium concursus amplius excitatur et populus numerosius illic tunc adfluens in veneracione sanctorum, quorum Reliquie inibi quiescunt et in quorum honore sunt huiusmodi Ecclesia et altaria dedicata, feruencius inflamnat (sic). Nos peticionibus vestris nobis in hac parte porrectis gratanter adnuentes Dedicaciones huiusmodi videlicet tam Ecclesie quam Altarium Infra septa ipsius constructorum transferimus ad Dominicam Quatuor tempora autumpnalia seu septimi Mensis inmediate subseguentem, Volentes, ut illo die omnes dedicaciones predicte pariter peragantur et cuncti christi fideles ad Monasterium vestrum predictum tunc deuote accedentes omnibus Indulgencijs ad omnia loca predicta diuisim elargitis eo die, prout prouide concesse sunt, simul perfruantur. In quorum testimonium sigillum nostrum presentibus est appensum. Datum in saneto ypolito Quinto Kalendas septembris Anno domini Millesimo Trecentesimo Tricesimo tercio.

Source Fulltext: OÖUB 6 (Wien 1872) S. 100f., Nr. 90