Wir Ott von gots gnaden Hertzog ze Osterreich, ze Steyr vnd ze Kernden Veriehen mit disem brif, daz wir der Erbern Erntrauten Rugers von Moln selig witiben erlaubt haben iren Hof ze Moln, der bei der Chirchen da gelegen ist vnd allez daz dar zu^e gehoret, ze verchauffen vnd sein wir auch des selben gutes, wer daz chauffet, rechter scherm also, daz der daz haben sol mit allen den rehten vnd nutzen, als ez di vorgenant Erntraut inngehabt hat vnd als ir brif sagent, di si dar vmb hat. Vnd dar vber geben wir disen brif versigelten mit vnserm Insigel. Der geben ist ze wienne an Mentag vor sand Merteins tag Anno domini Millesimo CCC. Tricesimo Qvinto.

Source Fulltext: OÖUB 6 (Wien 1872) S. 185, Nr. 179