Ich Elschpeth Otten Hausfvraw von Pless, dem Got genad, vergich vnd tv^en cuvnt offenlich fvr mich vnd fvr v^enser peder erben, di mein wiert Ott von Pless lazzen hat, Larenczen vnsern svn vnd ver Ann '/vnser Tochter, daz wier geschaft vnd gegeben haben dem Gotzhavs zv Garsten den herren in di Oblay durich v^enser erben sel hail willen di Arthveb, di gelegen ist in Ternperger pharr vnd di m'/vl da pey, di v^enser vnd v^enser erben lehen gewesen ist von den herczogen zv^e O^esterrich, do von man allev iar dient zehen vnd nevn schilling phenning, von der Arthveb sechs schilling newr phenning an v^enser vrawn tag zv^e der dienst zeit, vnd nicht mer, vnd von der mv^el drey schilling alter phenning avch an v^enser vrawn tag vnd fv^enf werich phenning vnd fv^enf phenning zv^e weinachten fv^er prat vnd fv^er ein ches. Vnd haben daz also geschaft, daz di herren allev ierleichen v^ensern iar tag begen schullen mit vier vnd mit aynem halben phvnt phenning an dem abent mit ayner vigily vnd an dem morgen mit ayner gemaynn mess, und von den andern sechs vnd fv^enf schilling schol v^enser gedacht weren ewichlich allev vreytag mit drin phenning in der ere messe mit ayner collect. Ich ê genantev Elschpeth vergich auch, daz ich di ê genanten gv^eeter inn scholt haben gehabt v^encz an mein to^ed, alz iz mein wiert Ott von Pless geschafft het. Der selben gveter verzeich ich mich hevt durich Go^et vnd durch meins wierts Otten von Pless sel hail willen. Vnd ist daz geschehen mit gvetlichem willen vnd gvnst aller v^enser erben und mit meines wierts willen Otten von Hollenwuerch, den ich nv han. Vnd sein auch wier der selben gveter meiner herren vnd des gotzhavs scherrn vnd gewer, alz des lantz recht ist in O^esterrich fv^er all v^enser erben. Vnd ist des zevg Johans der Ravscher pvrgraf zten zeiten zu Steyr vnd her Fridrich der Scheck vnd Marchart der Prevhaven mit iern anhangunden insigel. Der brief ist gegeben dacz Ravnmichdorf an dem eben weinacht tag, dv nach Christes gepuerd ergangen waren tavsent iar, drev hvndert iar, dar nach in dem siben vnd vierczkistem iar.

Source Fulltext: OÖUB 7 (Wien 1876) S. 1f., Nr. 1