Ich Chůnrat der Můchler vnd ich Chu^enegunt sein hausfraw^oe vnd mit vns alle vnser erben gegenwu^ertig oder chu^enftig vergehen mit dem offen brief, daz wir mit wolbedachtem můt vnd mit gu^etlichem willen zů der zeit do wir ez mit recht wol getu^en mochten, ze chaůffen haben geben Weinmaren dem Tiurwanger purger ze Steir vnd seiner hausfrawen Chu^engu^enden vnd allen irn erben vnser freyes aigens gůt genant datz dem Pu^ester in der Garsten in Gaerstner pfarr gelegen mit allen den rechten vnd nu^etzen di darzu geho^ernt swi di genant sint besůcht vnd vnbesůcht, gepawen vnd vngepawen als wirs gehabt haben aůs vnserm nůtz vnd gewer in di irn vmb sibenzehen pfunt winner pfening der si vns gantz vnd gar verricht vnd gewert habent mit beraiten pfening zu vnsrer anligender notdůrft der wir anders nicht verziehen mohten, wir su^ellen auch des chaůffs ir gewer sein fu^er alle chrieg vnd ansprach nach lantz recht. Taet wir dez nicht swelhigen schaden si dez nement den sullen wir in aůsrichten vnd widerchern, vnd daz sullen si haben auf (sic) aller andrer vnsrer hab wo wir di haben, vnd mit vnserm gutlichen willen dez dovon bechomen. Daz daz also staet vnd vnzerbrochen behalten werd, gib ich obgenanter Chůnrat Mu^echler fu^er mich vnd alle erben den brief versigelten mit meim anhangunden insigel, vnd zu ainer guten geziuchnusse mit Go^etfritz dez Sintzenperger Niclas meins vetern Liebhartz dez Chramer sun von Ens anhangunden insigeln in an schaden, vnd ist geschehen do man zalt von Christi gepůrtt dreuzehenhundert iar vnd in dem aecht vnd fu^enftzichistem iar an sant Thomans abent.

Source Fulltext: OÖUB 7 (Wien 1876) S. 607f., Nr. 598