Wir Albrecht von Gotes gnaden hertzog ze Osterreich ze Steyr und ze Kernden veriehen vnd tun chund offenlich vmb den chrieg den vnser getrewn die von Losenstain vnd die von Volchenstorf habent mit dem erbern geistlichen mann dem abt vnd dem gotzhaus ze Gersten von eins gerichts wegen, daz ez von vnsern lantherren vor vnser erfunden vnd ouch ertailt ist, daz derselbe abt vnd sein gotzhaus bey allen den rechten dez selben gerichts beleiben sullen an alle irrung alz die hantfest vnd die brif sagent die derselb abt vnd sein gotzhaus von vnsern voruordern daruber habent, mit vrkund ditz brifs, geben ze Steyr an mitichen vor dem heiligen phingesttag nach Krists gepurd dreutzehen hundert iar darnach in dem acht vnd fumftzigistem iar.

Source Fulltext: OÖUB 7 (Wien 1876) S. 578, Nr. 567