ICH Ott Tuensteter ich Margret sein hawsfraw wier verjenen, daz wier unser gu^eetel genant auf dem Grabm gelegen in Aschaher pfarr pei der Steyer daz unser vreys aygen ist mit allem dem daz von allter darzue geho^ert haben recht und redleich geben ze chauffen dem erbern mann Symon dem Venken seiner hawsfrawen ir paider erben aus unserr nutz und gwer in di ier ledichleich umb ein gelt des wier sein gantz und gar von in gewert und verricht, und tuen des auch fu^erzicht mit urchu^end des gegenwu^ertigen priefs. Daz in daz beleib stet und unverchert, des gib ich obgenanter Ott Tuensteter in den prief zu einem urchu^end der worhait versigelt mit meinem anhangunden insigel, und mit des erbern manns anhangunden insigel versigelt Havnoltz dez Rewtter. Der prief ist geben nach Christz gepu^erd u^eber drewtzehenhundert jar darnach in dem drew und sechtzkisten jar an sand Laurentzen tag.

Source Fulltext: OÖUB 8 (Wien 1883) S. 151, Nr. 145