ICH Hans der Chnewzzer zden zeiten purgraf ze Steyr vergich, das ich recht und redleich an meiner genedigen herren stat der hertzogen von Osterreich verlihen han drew gu^eter die mit namen hernach an dem prief geschriben stend, des ersten den Smerlhof in Chirchperger pharre gelegen und ain zehent ze Ku^eging in sand Marein pharre gelegen, dieselben zwai stukche lehen sind von der herschaft ze Steyr, und ain gu^et die Rachsenhu^eb genant in Sierdnikcher pharre gelegen die inbertaigen gen Steyr ist, der erbern frawn frawn Annam hern Symons des Venken seligen witiben und allen iren erben mit allen den eren rechten und nutzen die zů den obgenanten gu^etern geho^erent, versu^echt und unversu^echt und auch in allen den rechten als ander rechte verlehendew gu^eter und inbertaigen der herschaft ze Steyr recht habent. mit urchunde des offen priefs versigilten mit meinem anhangunden insigil, und zu^e ainer gu^eten getzewgnu^ezze mit des erbern Petreins des Prewhaven anhangunden insigil im an schaden. Geben ze Steyr nach Christi gepu^erde uber drewtzehen hundert jar darnach in dem sibentzgisten jar an sand Margreten tag.

Source Fulltext: OÖUB 8 (Wien 1883) S. 478, Nr. 482