Wir Albrecht von Gots gnaden hertzog ze O^esterreich ze Steyr ze Kernden und ze Krain graf ze Tyrol etc. embieten dem edeln unserm lieben o^ehem graf Ulreichen von Schownberg unserm houbtmann ob der Ens oder wer sein stat haltet unsern gru^ez und allez gut. Wir emphelhen dir und wellen gar ernstlich, daz du daz goczhus ze Ga^esten und seine leute vestiklich schirmest und haltest bei seinen alten rechten und gůten gewonhaiten nach seiner briefe sag. Und wollte in an denselben rechten der Volkestorffer oder yeman ander dhain invel oder irrunge tůn, daz du in des vor seist von unsern wegen. Daran tu^est du sunderlich unsern willen. Geben ze Wienn an sant Michels tage anno domini LXX secundo. Magister provincialis et magister curie (?) L.

Source Fulltext: OÖUB 8 (Wien 1883) S. 608f., Nr. 608