ICH Johans Kirchherre dacz Ehyngen des Hochgebornen fürsten, meins lieben gnedigen herren Herczog Albrechts ze Österreich etc: Kanczler, Vnd ich Hainrich der Hu^ober des egenanten meines herren Herczog Albrechts obrister Schreiber in der Kanczly, Wier veriehen vnd tu^on kunt offennlich mit disem bri^ef, vmb die Stozz vnd krieg, die da gewefen sind zwischen den erbern vnd geistlichen Lewten . . dem Abt von Admund an ainem tayl vnd . . dem Abt von Gersten an dem andern tayl von der ahnen wegen in der Seyten gelegen hinder Strechow, daz si der willikleich hinder vns gegangen sind vnd habent vns verhaizzen vnd gelobt mit iren trivn, stet ze halten vnd ze volfuren, fwaz wir darumb zwischen in baydenthalbn sprechen. Da von sprechen wir nach guter vnd erberer kuntschaft, die wir darumb verhort vnd ingenomen haben, Des ersten als der egenant Abt von Admund spricht, es sey von alter herkomen, daz in der abt von Gersten bitten, vnd eren su^ell, mit pet, daz er im derselben almen gunne, Sprechen wier: Ist dem also, So sol es auch fu^erwaz geschehen, vnd sol in der abt von Admund denn so zehant gewern vnd sein pet erhören an allez geuerd. Ist des aber nicht, so sol es auch fürwaz nicht geschehen vnd sol der abt von Gersten bey den rechten der egenanten almen beleiben, als er das von alter herpracht hat. Dann vmb des abts von Gersten holden Sprechen wier, daz die alain i^er aygens viech auf die almen treiben sullen vngeüerlich vnd in solicher mazz, als das von alter herkomen ist, Vnd sullen sich auch kainerlay vrömdes viechs vnderwinden noch annemen vnd damit sullen zwischen den egenanten E^abten von Admund vnd von Gersten vnd zwischen iren Lewten baydenthalben all Sto^ezz vnd vnwil gancz, vnd gar, absein an alles geuerd, Mit Vrkund diez briefs mit vnsern angedrukchten Insigeln versigelt. Geben ze Wienn an Montag noch Sand iorgen tag Anno dominj M°. ccc°. Lxx sexto.

Source Fulltext: OÖUB 9 (Wien 1906) S. 74-75