ICH Jörg der Schekch, vergich vnd tuen chund allen lewten, di den prief sehent oder ho^erent lesen, daz ich mit wolbedachtem muet vnd mit meiner nachsten vnd pesten vreunt rat vnd willen zder zeit, do ich es wol getuen macht, durch gots lieb vnd durch meiner vnd meiner voruodern vnd aller gelaubigen sel hail willen meinen weingarten gelegen an der hohenwart pey dem obern weg gegen der laimgrueb, hab slachtleich gegeben dem erbern geistleichen herren Abt Niclasen vnd dem gotzhaws ze Ga^ersten aus meiner nutz vnd gewer, in di ieren ledichleich jn so^elher maynung, daz ich fu^erbas auf den selben genanten weingarten chain ansprach nicht mer haben schol weder wenig noch vil in dhainen wegen vnd tuen auch mich des ze fu^erzicht mit dem gegenwu^ertigen prief, darvmb, daz mich got mit seinen genaden tailha^eftig mach des diensts, vnd aller gueten werch, di im ze lob volfuert werdent in dem selben vorgenanten gotzhaws ze Ga^ersten. Daz in daz sta^et beleib, des gib ich egenanter Jo^erg der Schekch den prief zu einem vrchu^end der warhait, mit meinem anhangunden insigel versigelt, vnd zu einer pezzern sicherhait versigelt, mit meins vettern hern Stephans des Schekchen, vnd mit meins lieben prueder Hainrich des Schekchen anhangunden insigeln, di mit ieren insigeln der handlung zeug sind. Der prief ist geben ze Steyer nach christi gepuerd v^eber drewtzehenhundert iar, dar nach in dem newn vnd Sibentzkisten iar, an dem Ebenweich tag.

Source Fulltext: OÖUB 9 (Wien 1906) S. 552