Nos Frater Herbordus Ordinis Fratrum minorum, Dei Gratia Lauentiae ecclesiae Episcopus omnibus Christi fidelibus in perpetuum. Cum ad diluendas culpas hominum Sit peccatorum remissio per diuinam Indulgentiam postulanda, Igitur praesentibus in Domino protestamur, nos de Dei authoritate et misericordia suaeque Genitricis Sanctissimae Virginis Mariae et beatorum Petri et Pauli Apostolorum confisos suffragijs vniuersis de sui Facinoris pondere releuamen desiderantibus dedicationem Anniuersalemque Monasterij Glunicensis Ordinis Sancti Benedicti Patauiensis Dioecesis adhuc peragendam Singulis annis accedentibus Dies quadraginta Criminalium, de quibus confessi et contriti non satisfecerunt, in Sempiternum misericorditer indulsisse ob excitandam deuotionem catholicam et Spem saluationis a sui erroris deuijs redeuntibus faciendam. Datum Salisburgae Anno Domini millesimo Ducentesimo Septuagesimo quarto, quarto Kalendas Septembris.

Source Fulltext: OÖUB 3 (Wien 1862) S. 407-408, Nr. 444