Qvia decidunt a memoria, que aguntur, nisi fuerint scripture testimonio roborata, EGo Poppo de GRu^enenburch tam presentibus quam futuris cupio fieri manifestum, quod, cum Ivspatronatus Ecclesie Hedereihshoven ad honorem dei Monasterio Gleunicensi, secundum quod michi a meis progenitoribus conpetebat, libere tradidissem assumpto super hoc omnium heredam meorum, immo et aliorum amicorum assensu, ne Aduocatia dicte Hedereihshofensis Ecclesie dependeret in meis manibus quasi sola, ipsam consilio super hoc habito, prefato Monasterio dedi primo et principaliter propter deum eidem renuntians plenarie tali forma, quod de cetero sepedicta Ecclesia de Hedereihshouen cum fundo et omnibus appendicijs ab omni Jurisdicione, que michi nomine Aduocati congruere videbatur, sit libera et penitus absoluta. Ad maiorem autem cautelam super hoc eidem Monasterio faciendam villam meam weichsteten dictam, si aliquis heredum vel amicorum meorum pro aduocatia predicta ipsum duxerit infestandum, sibi pro pignore tamdiv deputauj, quamdiv ab impeticione quacunque non fuerit quies habita super illa. Ipse vero Abbas et fratres Monasterij prelibati michi emptionis tytulo versa vice dederunt LXXX. talenta pecunie numerate. Predictam autem villam taliter ivre pignoraticio sepedicto Monasterio subditam et annexam nec ego nec aliquis meorum heredum alienationj cuilibet debet aliquatenus deputare, donec prescriptione debita Gleunicensis Ecclesia gaudeat in aduocatia premissa. In cuius rei testimonium prescripto Monasterio dedi has literas mei sigilli munimine roboratas et alij mei amici suis sigillis etiam appendentibus muniuerunt easdem, testibus subnotatis, quorum hec sunt nomina: FRidericus venerabilis Abbas Gerstensis Monasterij, Chvnradus prepositus domus Sancti floriani, Vlricus Canonicus patauiensis, Gvntherus decanus Laureacensis, Purchardus de klingberch, weichardus de polhaeim, Vlricus de Kapella, Otto, heinricus, Chvnradus, heinricus de volkensdorf, Vlricus de lobenstaeine, Gvndakerus, Ditmarus, vlricus fRatres de losenstaeine, Duringus piber, Arnoldus piber, Rudigerus pru^eschenke, Marquardus, perhtoldus fratres dictj prevhauen, Duringus scheke cum filiis vlrico et perhtoldo, Chvnradus hager, Otto de Osterberch, Ortolfus de chersperch cum filiis suis Ortolfo et heinrico, Rudigerus de Zvcha, Richerus de stadel cum filiis suis Ortolfo et haeinrico, Vlricus, Ditmarus de Tursendorf, Ditmarus schachener, Joseph de Erpfenhoven, Hiltprandus iudex stiRie, Hugo ponhalm et filius suus hugo, Otto de Grillenberge, Ditricus Gerwer, Chvnradus, Lvtwicus fRatres de Zvcha, FRidericus, Richerus fRatres de hagwalde, wernhardus de straze et filius suus vlricus, Marquardus metze et filius suus Chvnradus, Gerungus de mosenik, FRidericus chresslinch, ivulfingus de weinperch, walchvnus de losenstaeine cum filiis suis Ditmaro et heinrico, heinricus spitze, Gundacherus dictus dringer cum multis aliis. Acta sunt hec in Castro StiRie Anno dominj Millesimo Ducentesimo Septuagesimo Quinto, Sexto kalendas februarij.

Source Fulltext: OÖUB 3 (Wien 1862) S. 419-420, Nr. 458