Ich Eberhart vonn Waltse hawbtman ob der Enns tuen kund mit disem brief vmb die ansprach, die Jorig vonn Volchennstorff genn dem ersamen hern dem abbt von Glewnnck vnd genn dem gotshaws getan hat vmb di vischwaid auff der Enns, di da get, da sich ir vrbar anhebt, vntz genn Stenning, das des der selb Jorig von Volchennstorff hinder mich vnd hinder mein o^ehaim Vlrichen von Chappellenn gentzlichen geganngen ist also, was wir daruber sprechenn, das es fu^erbas dabei ewigklich soll beleybn. Nw sprech wir nach der rechtigkait, als wir es paidenthalbn habn vernomen, das Jorig vonn Volchennstorff den abbt vonn Glewnnck vnd sein gotshawss mit ruen, mit gemache an allew ansprach vnd an alle irrung an der egenantn vischwaid soll beleybn lassenn. Mit vrchund des brieffs versigelt mit vnnser baider angedrucktn jnnsigln. Datum anno domini M.ccc° quinquagesimo tercio, feria tercia post diem s. Jacobj.

Source Fulltext: OÖUB 7 (Wien 1876) S. 321f., Nr. 316