Wir Hainreich zu den zeiten abt und der convent gemayn des chlosters zu Gleunkch vergehen fur uns und fur alle unser nachchömen, daz wir mit gemaynem rat unsers convents verchaufft und geben (haben) unsers rechten aygens unsern weingarten gelegen ze Medlikch der da haizzet dl Wefssenmawr ze necht Albrechts weingarten des Raiden von Perchtoltzstorf, und sto^esset mit ainem ort an Gundakchers weingarten von Medlikch, mit alle dem nutz und rechten, als unser vodern und auch wir den egenanten unsern weingarten von alter untz her unversprochenleich in aygens gewer herpracht haben, umb zwelf phunt wienner phenning der wir gar und gantzlich gewert sein dem erbern herren hern Leutolten von Stadekk zu den zeiten lantmarschalich in Osterreich und seinen erben fu^erbaz ledichleich und freyleich ze haben. Und daz diser chauff furbaz also stet und unzerbrochen weleibe, daruber so geben wir in disen brief zu einem warn urchu^ende der sache versigilten mit unsern paiden anhangunden insigiln. Der brief ist geben nach Christes gepurt drewczehen hundert jar darnach in dem fümf und sechczgistem jar an des heyligen chreucz abent alz es funden wart.

Source Fulltext: OÖUB 8 (Wien 1883) S. 229, Nr. 224