In namen der heiligen vnd vntailten driualtigkeit. Wir Rudolff von gotes gnaden Herczog ze O^esterreich vnd ze Steyr, herr ze Krain, der Marich vnd ze Porttnaw allen sam den gegenwu^erttigen als den ku^enftigen ansehern dise geschrifft hail im herren. Wan wir von der gnad der go^etleichen miltichait gesaczt sein schirmer aller kirichen krists; Doch ze vordrist su^ellen wir tragen sorgen der kirichen, die der gu^etigisten Leu^et lieb gesaczt hat zu nucz werden der notdu^erfft armer Le\eut, Darumb was wir tun wellen von sundern gnaden dem Spital sand Marein gelegen handwêrklichen an dem fu^ezz des pergs piern genant, haben wir gehaissen ze Ewigen durch Got mit vnsrer offen geschrifft. Nu haben wir durch pet Hainreich Maister desselben Hauses alle Recht, die das vorgenant Spital von vnsern voruordern von alter verdient hat ze nemen in demselben kloster von der vollichait vnsrer miltichait erchant, als wir su^ellen, vnd zugelassen alle zu der gnad der bestêttung. Die sind aber, die wier sunderleich mainen ze nemen, daz si ewicleich vnd gênczlich bei demselben Haus sullen beleiben inuerhalczt die vogtey vnd das weltlich Gericht, das lantgericht haisset, die zway in der gestalt das genant Haus ze allen Zeiten mit vollem recht behab, das alle seine Aigen vnd leut, wa die in vnser Herschaft vnd gegent sint, vnser kraft die beschirmen sol mit der besundern hant der gu^etichait, chainen lon dauon ze nemend an den lon der Ewigen widergebung, auzgeslagen volliclichen allen, die vnderuogt haissent, von den ewicleich dhain gw^ehnung nicht sein sol in dem vorgenanten Spital, nu^er alain der maister desselben hauses mit gu°tem mu°t geru°chten ze vordern ainen gu°ten man, wenn er sieht, das fugleich sein. Sunder vmb das weltlich Gericht seczen wir also ze behalten, das alle ir Aigen als vnd die vnser vrey vnd auzgenomen sind, vor allem v°berlauff der Richter oder von welicherlay andern an das alain, das, der schuldig ist des todes, nach der volbrachten vrtail von dem maister desselben hauses oder von seinem Anwalt sol entlichen geantwurtt werden vnserm gericht mit seinem gwantt, die er beslossen hat mit seinr Gu^ertl, doch behalten alles dinges des Spitals beru^erige vnd vnberûrige, die er hat, der also verdammet ist, Andern allen sachen grossen vnd klainen, mistêtlichen vnd gu^etlichen, welicherlay name benant, an die gegenwu^erttichait vnserr Richte\ar ze enden vor dem maister, der vber dasselb Spital ist. Wier verleihen auch demselben haus vnd erkennen einen freyen gwalt in vnsern We\alden gelegen in dem Tal ze Gersten, ze erchuchen new reu°tt vnd igliche ze vˆben nach ierem nueze an die Geiaide der grossen Wild, die wir alain vnsern vreuden wellen behalten, vber die andern allen verleihen wir Im vollen gwalt. V^eber das daz vorgenant haus hat Recht als von alter durch vnser gancze gegent auf dem Land vnd auf dem Wasser also, daz alle, die dasselb Haus fu^eret an nerlichen dingen, an Wein vnd andern ze nucze der armen Le\aut vnd des Spitals, den daselbs rechte gu^etichait erczaigt wirt, vreyliehen fu^erfu^eren an mautt noch von dhainem vnserm Richter oder Amptman oder von dhaim vordre\ar irrung yetweders, als mit phendung vnd solicher lay dhain sawmung leide. Auch geben wir v^erlaub vnd gwalt allen vnsern Dienstherren vnd andern, die von vns habent zelehen, gu^ette\at ier Aigen gûttett vnd ier besiczung mit allen fru^echtlichen nu^eczen gestifft vnd vngestifft, besu^echt vnd ze besuchenden dem vorgenanten Spital vreilichen ze leihen vnd dieselben kirichen ein enczige nerêrin vnd ein dienerinn armer leûtt, wie Sy wellent mit iern gûtern vnd aigen ze reichen, daz jn vnd vns an dem strengen Gericht Christi geschech ein widergebung der ewigen ding. Vnd daz nicht dhainer furbaz dise vnser geseczt mug zerbrechen, haben wir sy haissen krefftigen mit der anhangung vnsers Insigels. Des dinges sind geczeugen Herman von Landenberg Marschalch, Eberhart vnd Hainrich vnd fridrich Bru^eder von Walsse, Vlrich von Kappeln, Wernher von Slierbach, Maister Berchtold erster Schreiber vnsers Hofs, her Jans pfarrer von der Newnstat der kaplan vnsers hofs vnd ander vil mer erbrer. Geben ze lyncz im Tause\antisten zway hundertisten newn vnd Newnczigisten Jar des herren, an dem andern morgen der fundn\ezz sand Stephans des ersten Martrer.

Source Fulltext: OÖUB 4 (Wien 1867) S. 315-317, Nr. 338