Ich Fridreich^b von Veikerstorf^c und mein sun Wolfger tůn chunt allen den, di disen bri^ef lesent oder hernt lesen, di nu lebent oder her nach chu^emftich sint, daz wir unser steingru^eb und unser holtz als samt, daz da leit in dem Sighartstol³, haben gegeben mit unsern hausfrawen⁴, mit alle (sic!) unsern erben gu^eten willen, da wir iz wol getůn machten, den průdern ze Paden sant Augustins orden ze einem widerwechsel umb ein wis, diu ligt dazz Drummaw^e, mit sotaner beschaidenhait, daz di^d vor genanten průder von Paden alle iar an sant Michels tag u^ens schullen geben zwen pfenning^e Wi^enner mu^enz. Swenn aver daz geschi^eht, daz di vorgenanten průder^f gewinnent diu eigenschaft der vor genanten steeingrůb und auch dez holtzes, so schullen si des vor genanten zins aller ding ledich sein. Daz der wechsel oder der^g chauf ste^at und unzerbrochen und auch an allen chrieg beleib, so geb wir disen bri^ef versigelt mit unser beider insigel^h5 und setzzen uns ze rehtem schirmⁱ nach landes reht fu^er^j alle ansprach. Diser sach sint gezi^eug her Ott der Tu^ers von Rauhenek und sein sun her Ott⁶, her Dietmar von dem Ror, her Haidenreich von dem Tehenstein, her Hainrich von Paden und ander frumm leit genůg, den diu sach wol chunt ist. Diser bri^ef ist gegeben, da von Cristes gebu^ert worn ergangen^k tausent iar und dre hundert iar, in dem hahzehenten iar, dez nehsten montages vor der chreizewochen.

Source Fulltext: MAURER, Augustiner-Eremiten Baden (=FRA II/89, Wien 1998) S. 96-97.