Ich Ulreich von Pergawe der alt¹ und mein erben veriehen und tun chunt offenwar^a an disem prief allen den, die in sehent oder horent lesen, die nu lebent und hernach chunftig sint, daz ich mit verdachtem muet und mit gesampter hant zu der zeit, do ich iz wol getun macht, han geben meins aigens ein acher anderhalb ieuch ze Tribezwinchel pei der mu^elle ze widerwechsel, ain acher umb den andern, den augustinern von Paden umb ein acher an dem Chirichperig pei der chapelln, des auch ander halb ieuch ist und auch der augustiner rechtes aigen ist. Und sein auch wir, ich Ulreich von Pergawe der alt und mein erben, des achers ze Tribezwinchel der augustiner von Paden rechter scherm und gewer fu^er alle ansprach nach des landes recht ze Osterreich und gib in dar uber disen prief ze ainem offen urchund und zu ainem waren gezeuge diser sach, versigilten mit meinem insigil. Diser prief ist geben ze Ebreichstorf, do von Christes gepurd waren ergangen dreuzehen hundert jar, in dem vier und zwainzigistem jar, darnach des suntages noch sand Veitz tag.

Source Fulltext: MAURER, Augustiner-Eremiten Baden (=FRA II/89, Wien 1998) S. 106.