Ich Offe von Arberch³ vergich und tun chunt allen den, die disen brief lesent oder ho^erent lesen, die nu lebent und hernach chu^enftich sint, daz ich mit gu^etem willen, mit verdachtem mu^et, zu^e der zeit, do ich es wol getu^en mochte, recht und redleich geschaft han, daz mein nachst erben nach meinem tode geben suln von allem meinem gu^et, daz ich hinder mir lazze, swie so daz genant ist, des ersten zu^e der chappellen datz den Augenstinern ze Wienne fu^emftzich phunt Wienner phenninge, und suln auch geben meinem sun hern Fridreichen von Chreuspach⁴ und hern Stephan von Slaet^a fu^emftzich phunt Wienner phenninge, da mit si mir und meinen vodern einen ewigen jartage widem und stiften suln nach irn trewen in swelhes gotshaus si wellent. Und daz ditzs geschaefte nach meinem tode also staet und unzerbrochen beleibe, dar umb so gib ich disen brief zu^e einem warn urchunde diser sache, versigilt mit meinem insigil und mit hern Fridreichs insigil von Chreuzpach und mit hern Stephans insigil von Slaet^b, die diser sache gezeuge sint mit irn insigiln. Diser brief ist geben ze Wienne nach Christes gepurt dreutzehen hundert iar, dar nach in dem vier und viertzgisten iar, des naehsten phintztages nach sant (sic!) Nichlas tage.

Source Fulltext: MAURER, Augustiner-Eremiten Baden (=FRA II/89, Wien 1998) S. 150.