Ich Johannes der Turß^a von Rauheneckh^b1 unnd alle meine erben veriähen unnd thuen kundt offentlich mit dem brief allen den, die ihn sehen oder hören lesen, die nu leben unnd hernach künfftig sein, daß wir unnsers rechten aigens verkhaufft haben zween acker, der der ain leit zu Paden bey der Ryn unnd ist ain gwanten nahend bey des Heller ackher von Soß, zu nachst Simons ackher auf der Leiten² an ainem thail unnd Wolfflein dem Tampner³ an dem anndern thail, unnd haben den geben zu rechtem purckhrecht Leublein dem Nekhen auf der Leiten unnd frawen Diemuthen seiner haußfrawen⁴ unnd ihr baiden erben umb ain halbes pfundt pfenning Wiener münz, der wir ganz unnd gar verrieht unnd gewehrt sein. Der ander ackher leit auch zu Paden, auf dem Wograin zunechst Christians ackher des Tehenstainers. Den haben wir auch recht unnd redlich zu khauffen geben zu rechtem purckhrecht Petern dem Plönickhler auf dem Anger unnd frawen Catharein seiner haußfrawen unnd irer baider erben umb dritthalb pfundt Wiener pfenning, der wir auch ganz unnd gar verricht unnd gewehrt sein, allso daß unns der vorgenannt Leuthel (sic!) unnd sein haußfraw unnd ir baider erben von der vorgenannten grundten^c ackhers alle jahr dienen sollen zu rechtem purckhrecht zehen Wiener pfenning an sanct Michaels tag unnd nicht mehr. So soll auch der obgenannt Peter unnd sein haußfraw unnd ihre erben von irem ehegenanntem ackher dienen mir unnd meinen erben zu rechtem purckhrecht ain ganzen aimer weins an sanct Michaels tag unnd nicht mehr. Sie sollen auch mit den zwayen ackhern allen iren frommen schaffen, versezen, verkhauffen unnd geben, wem sie wollen, ohn alle hinderung, alls purckhrechts recht ist unnd des landes recht zue Österreich. Wir sein auch ir recht gewehr unnd scherm für alle ansprach, alls purckhrechts recht ist in dem land zu Österreich. Unnd was ihnen daran abgehet oder ob ihn ain krieg daran aufstund mit recht, das sollen wir ihn alles ausrichten ohn allen iren schaden. Das loben wir ihn alles zu laisten mit unnsern trewen ohn gefehr, unnd darüber so geben wir inen diesen brief zu ainem wahren urkhund, versieglten mit unserm anhangenden insigel. Es ist auch gezeug dieser sachen Alber der Wedel, zu den zeiten burggraff zue Rauhenegg^d5, mit seinem insiegel. Der brief ist geben nach Christus geburth dreuzehenhundert jahr, darnach in dem sieben unnd sechzigsten jahr, an sanct Thomas tag vor weynachten.

Source Fulltext: MAURER, Augustiner-Eremiten Baden (=FRA II/89, Wien 1998) S. 187-189.