Ich Margreth, Hern Dietmars tochter von dem Ror², vergi^ech offenleich und tu^en chu^ent allen de^en, di^e disen prief sehent lesen oder ho^ernt lesen, di^e nu^a lebent oder hernach^b chunftig sint, daz ich mit verdachten mu^et und mit verainttem rat und mit gunst aller meiner erben und aller meiner vreunt, zu^e den zeiten, do ich iz wol getu^en mo^echt, recht und redleich volpracht und volfu^ert han daz gescheft meiner lieben mu^eter, der Margrethen der Schewhenstainerin^c, der got genat, ein ewigs phunt phenning Wienner gelcz, daz si geschaft hat pei i^erm lemtigen leip zu^e den zeiten, do si iz wol getu^en mocht, den erbern gaistleichen herren den augustinern ze Paden zu ainem ebigen jartag, den si wegen schu^ellen des vreytags nach mittervasten^d ze tro^est und zu^e hilf meines vater sel und meiner mu^eter sel und meiner sel und hern Chunrats sel dez Pergawer und aller unser vordern sel. Ich vorgenant Margreth di^e Schewhenstainerin^e han auch den vorgenanten geystleichen herren den augustinern ze Paden geben und gemacht fu^er daz vorgenant phunt Wienner phenning geltes meins rechten aygens ain lehen, daz in dem dorf ze Remplach gelegen ist, do deu weil inn gesezzen ist Jacob von Remplach. Den selben mein holden und daz selb lehen, dorauf der selb hold gesezzen ist, han ich geben ledichleichen gancz und gar allen i^ern fru^em domit ze schaffen an alle irrung, also daz ich nach all mein erben nach all mein vreunt fu^erbaz mit dem selben gu^et oder mit dem holden des vorgenanten lehen nichtez nicht ze tu^en oder ze schaffen haben. Ich han auch den vorgenanten augustinern das^f vorgenant lehen und den holden geben fu^er sechs schilling Wienner phenning gelcz und nicht mer, deu man in dienen schol jerleich an sand Michels tag, und der andern sechzich phenning gelcz, domit ich daz oft genant phunt gelcz dervolt han, deu han ich auzgezayget in dem selben dorf zu^e Remplach auf einem anderm lehen, dorauf zu^e den zeiten gesezzen ist Peter der Czodel, deu man in auch alle iar unverczogenleich dienen schol auf den vorgenanten sand Michels tag. Wer awer, daz man die sechzig phenning nicht di^ent an sand Michels tag, so schol der vorgenant Peter der Czodel den egenanten geystleichen herren den augustinern dacz Paden vervallen sein des wandels, als er vervallen seim rechten herren. Wer awer, daz man uns (sic!) des wandels und des zins nicht richt hernach inner vi^erzehen tag, so schullen seu phenten oder i^er anwalt mit unserm gu^etleichen willen und aller der, deu daz gu^et noch uns besizzen. Darzu^e han ich Chunrad der Pergawer daz phunt Wienner gelcz gemert mit drin^g phenning, di^e auch di^enen sol Peter der Czodel auf sand Michels tag. Daz di^e red sta^et und unczerbrochen beleib, daruber so gib ich, die vorgenant Margreth, hern Dietmars tochter von Ror, den prief versigelt mit hern Chunrad des Pergawer von Gu^eten Pru^en, unter des anhangunden insigel mich verpunten han, wand ich selb aygens insigels nicht han, und der sach sint auch zeugen mein lieber pru^eder Wulfing von Schewchenstain^h und der erber herr her Perhtold von Pergaw³ mit i^ern anhangunden insigeln, darum ich seu vleizzichlichen gebeten han, in paiden on schaden. Der prief ist geben, do man zalt von Christus gebu^ert dreuzehenhundert iar, und darnach in dem acht und sechzigestem jar, des ertags vor dem phincztage.

Source Fulltext: MAURER, Augustiner-Eremiten Baden (=FRA II/89, Wien 1998) S. 192-194.