Ich Lewpoldt Hofer vergich mit dem bri^ef fur mich und all mein eriben und tun ku^end allen, den er furkumbt, das ich mit wolbedachtem muet in rechter lieb gots willichleich geben han ain phunt phenning gelts, das ich han ze Aussee im marckt in der Chatgassen auf Michel des Pumprer^a haus und seiner zuegeho^erung, leit ze nachst an Golsperger derrhaws^b, den erberen geistleichen, den pruedern zu Paden Augenstiner orden, zu yrem chloster daselbs, und han in das ingeantwu^ert mit dem bri^ef aus unser nucz und gewer in dy yeren, in allen den rechten als wirs gehabt haben nach lau^et des pri^efs¹, den wir darumb haben, den wir yn auch geben und geantwu^ert haben mit dem^c gegenwurttigen pri^ef, in solicher beschayden, das sew dy vorgenantten gu^eltt unverkumbert inn sullen haben, nu^eczen und nyessen ewichleich, und sullen uns daru^emb je^erleich und ewichleich mir, meiner seligen wi^erttinn Margrethen und allen u^ensern vorvodern ain jartag wegenn am nachsten freytag nach sand Erharts tag in aller ausrichtung: liecht, vesper, vigilii, selambt und ambt von Unser Fraw^en, als dartzue geho^ert, und all wochen ain offens gemains pet tu^en mit aim Ave Maria. Mochten sew von ehafter not auf dem verschriben tag nicht wegen, so solten sew ez darnach tu^en, als sew schirist mo^echten an geve^er, und ob meiner freuntschafft icht lebten, das sew dy des auch wissenhaft macheten. Wolten sew aber nicht wegenn und sawmen, so mochten mein eriben dy gu^ellt in nemen, unczt erstatt wu^erd dy versawmung. Auch schullen wir in das vorgenantt phunt gelts getreuleich schermen und frein und ir vertreter sein an aller stat, wo in des not und du^erft weschiecht, als purkchrechts recht und solcher gotsgab recht ist nach lanndts recht in Steyr, und wann sew uns daru^emb werueffent, so sullen wir in das trewleich ausrichten an als geve^er. Mit urchund des bri^efs, wesigelt mit meins und mit meiner zwayr vettern Hannsen und Hainreichen de Hofer anhangunden insigel, darunder wir loben, alles das sta^et ze haben und ze volfueren, daz oben in dem pri^ef geschriben stet, der geben ist nach Christs gepu^erd virtzehenhundert jar, darnach in dem drew und tzwainczkisten jar^d, an sand Margreten tag.

Source Fulltext: MAURER, Augustiner-Eremiten Baden (=FRA II/89, Wien 1998) S. 238-239.