Nos Stephanus de Meissowe marscalcus Austrie notum facimus vniuersis tam presentibus quam futuris hanc litteran inspecturis, quod cum homines quidam deuoti instinctu permoti diuino in proprietatem ecclesie sancti Lamberti in Altenburch ob remedium animarum suarum aput Nicolaum Sagittarium de Hymperch, cum consensu bono domine Gedrudis vxoris sue et filii eius Leupoldi, et filie sue Margarete iam adulte, et socrus sue domine. . . . de Aichowe dicte Pomerinne, et filiorum eiusdem Ortolfi et Heinrici consobrinorum suorum, nec non omnium heredum suorum beniuola voluntate, beneficium vnum in Celderndorf situatum, quod ad ipsum iure proprietario pertinebat, et ex eo vendendi hoc ipsum cuicumque voluit liberam habuit facultatem, pro decem et septem talentis et sexaginta denariis Wiennensis monete sue pecunie comparassent, prefatus Nycolaus predictum beneficium cum omni iure suo super altare sancti Lamberti in Altenburch manu propria liberaliter resignauit, defensionem debitam predicte ecclesie promittens secundum omnem formam iusticie et terre consuetudinem, vna cum suis heredibus prehabitis, qui etiam aput Hymperch ad manus fratris Andree iam dicti collegii monachi nomine sue ecclesie recipientis voluntatem suam dederant, et ius omne in supradicto beneficio sibi competens resignauerant, fide data totaliter exhibere. Verum quia idem Nycolaus proprio sigillo caruit, petiuit a nobis, vt sue vendicionis contractum scripti et sigilli nostri testimonio curaremus ad sui instanciam perhennare. Nos vero precibus ipsius inclinati, tum quia bonorum votis piis hominum operam adtribuere, tum quia predicte ecclesie aduocati etiam eius debemus promocionibus non immerito insudare, super premissis quibuslibet testimonium perhibendo, precipue, ne de hiis imposterum dubium aliquod oriatur, sed vt robur obtineant perpetue firmitatis, presentes nostras litteras inde confectas supradicto monasterio in Altenburch tradidimus sigilli nostri munimine roboratas. Huius rei testes sunt: dominus Vlricus plebanus de Hymperch, dominus Chalhohus de Eberstorf, dominus Adloldus et filius suus dominus Heinricus dapifer dicti de Chiowe, dominus Rapoto, dominus Erchenbertus, dominus Haidenricus, fratres purkcrauii de Gors, dominus Hadmarus de Shonberch, ministeriales terre, dominus Rugerus de Ryedmarch, dominus Vlricus Martius, dominus Heinricus de Pach, milites, Fridericus et Engelbertus, fratres de Wiltperch, Engelbertus de Chrug, Heinricus Dahpech, Hugo de Molt, Gotschalcus de Vronhouen, Wippoto de Peugen, Wichardus junior ibidem, Ortolfus de Taurais, Albero, Levtwinus, fratres sui de Fuenvelde, Levtwinus de Wolfpaizzinge, Haidenricus pincerna famulus noster, Ditherus de Himperch, Eysenricus ibidem, Bruno ibidem, Sifridus Chinberger, Etich filius Pernhardi, Nicolaus frater suus ibidem, Pilgrimus de Aichowe, frater suus Vlricus, jtem Vlricus filius Nicolai de Loch, Chunradus de Sancta Maria, Ludwicus ibidem, Otto de Grueb, Albero Waltkerstainer et alii quam plures laici fide digni. Datum et actum Wienne, anno domini MCC. nonagesimo tercio, jn die sancti Clementis.

Source Fulltext: BURGER, Urkunden Altenburg (=FRA II/21, 1865) S. 71-73