Nos Wernhardus dei gracia ecclesie Patauiensis episcopus per presencia publice confitemur coram vniuersis presentibus et futuris, quod constitutus in nostra presencia nobilis vir dominus Hadmarus de Svnnberch et cupiens terrena in celestia felici commutare commercio non minus hylaricus quam liberaliter, donauit, dedit, tradidit, assignauit fratri nostro domino Sifrido venerabili abbati de Altenburga presencialiter constituto, sueque ecclesie in Altenburga ad tenendum, habendum et perpetuo possidendum jus patronatus parrochialis ecclesie in Asporn in omni iuris plenitudine, quo ipse illud possedit et tenuit, prout illud in eum ab Hadmaro et Rapotone fratribus nobilibus de Valkenberch translatum fuit et leg(-itime de-)uolutum, ad hanc autem donacionem liberalis consensus et expressa voluntas omnium heredum prefati domini Hadmari de Svnnberch accessit. Huius rei testes sunt: dominus Hartungus de Cheyow, canonicus Patauiensis, dominus Gotfridus decanus Chremensis, Vlricus capellanus, Otto, Ludwicus, notarii nostri, dominus Chalhohus de Eberstorf, Erkenbertus purgrauius de Gors, Marchardus de Mystelbach, Rudolfus de Prampach, ministeriales; Meinhardus de Raevtt, Heinricus de Pavngarten, Meinhalmus de Watzmanstorf, Perhtoldus de Hartheim, et alii fide digni. In cuius rei testimonium presentes dedimus literas, nostro et predicti Hadmari sigillis communitas. Datum et actum Wienne in domo nostra, anno domini millesimo CCC. sexto, XIII. Kalend. Maij.

Source Fulltext: BURGER, Urkunden Altenburg (=FRA II/21, 1865) S. 113