Quoniam ea, que in tempore geruntur, necesse est, ne cum tempore pereant, scriptotenus confirmari, igitur pateat universis presentes litteras inspecturis, quod ego Chunradus plebanus in Hofsteten animo deliberato ac mea bona voluntate cum consensu patroni ecclesie mee antedicte reverendi videlicet patris domini Ottonis abbatis et conventus monasterii Chotwicensis dedi de possessionibus et reditibus^a dotis ecclesie mee antedicte quedam bona in Swerzenpach sita iuxta aquam dictam Golsen, que tunc incolebat Leupoldus Textor, de quibus serviuntur annuatim septuaginta denarii in festo beati Michahelis, et in Traisma¹ de pomeriis ac agris ibidem sitis redditus quinquaginta sex denariorum domino Otakero venerabili abbati et eius conventui in Campolyliorum tali pacto, quod idem abbas et conventus pro commutacione eorundem bonorum dederunt mihi et ecclesie mee prefate quedam bona sita in eadem mea barrochia^a des Snv^errenhumels stat² wlgo^a nominata annuatim medium talentum denariorum serviencia mihi ommbusque sequacibus meis libere et quiete perpetuo possidenda statuens me et meam antedictam ecclesiam prehabito abbati et conventui tutorem ac deffensorem^a predictorum bonorum contra quoslibet impetitores tamdiu, ut moris est, possessiones tales in terra Austrie deffensari.^a Ut igitur ratihabicio huiusmodi plus firmetur, do presentem litteram prefatis abbati et conventui in Campolyliorum mei sepenominati Chunradi plebani in Hofsteten sigilli munimine roboratam. Datum anno domini MCCCXXXII, in die beati Gregorii^a pape.

Source Fulltext: FUCHS, Göttweig I (=FRA II/51, Wien 1901) S. 349-350