Nos Wilhelmus miseracione divina decanus et plebanus in Pilchdorf¹ Pataviensis diocesis et magister Petrus de Wotkenstat^a2 Olmucensis dyocesis arbitri arbitratores seu amicabiles compositores pe^b venerabiles viros dominos Ditmarum prepositum monasterii Sancti Yppoliti totumque conventum ibidem ex una et magistrum Henricum plebanum de Nelib³ parte ex altera super questionibus litibus et controversiis^c super decimis maioribus et minutis ac aliis inter eos qualitercumque exortis deputati notum facimus universis presentes litteras inspecturis, quod dum partibus predictis certo termino prefixo in Nelib³ in curia parrochiali convenissemus ad recipiendam plenam informacionem ab hominibus ibidem conmorantibus et eciam a vicinis, quibus plenius constabat de decimis, super quibus lis inter eos vertebatur, partes ipsas de plano et sine strepitu et figura iudicii audivimus ac informacionem ab hominibus eiusdem ville et eciam a vicinis, quibus veritas eiusdem litis plenius constare videbatur, sumarie^d et de plano recepimus, quam informacionem secuti maturo consilio et tractatu prohabitis lites et controversyas^d inter dictas partes, quantum tunc nobis possibile eratt,^d arbitrando seu amicabiliter componendo diffinimus et sopimus per modum infrascriptum videlicet, quod registrum ecclesie in Nelib³ super percipiendis decimis a plebano ibidem conscriptum temporibus recolende memorie Heuslarii inibi plebani, quod continet: viginti VIIII laneos cum medio sibi debet esse salvum et decimas eorundem laneorum percipere, prout consuevit ab antiquo, sibi alios laneos quam conscriptos non usurpando, residuum vero decimarum ad ecclesiam Yppolitensem pertinebit, salva parte decimarum monasterii Cotwicensis, quas percipere consuevit ab antiquo. Item de tribus praitis^d et agris quibusdam in Ratolstorf,^e4 qui vulgariter Hofecker nominantur, ecclesia^f Yppolitensis et ecclesia in Nelib³ decimas equaliter inter se dividant, quevis earum percipiendo mediam porcionem. In aliis vero villis parrochie in Nelib predicte, in quibus nulla lis inter ipsas partes super decimis erat, quelibet ecclesiarum decimas maiores percipiet, quas antiquis temporibus percipere consuevit. Item annona quedam arestata^d per comitem Burchardum de Hardekk ad magistrum Henricum pertinebit venire.^g Quia super questione minutarum decimarum nos predicti arbitri concordare nequivimus diffinicionem et amicabilem composicionem super eisdem faciendam, in manus dedimus iuxta formam conpromissi honorabilis viri, domini Ulrici decani ac plebani ad Sanctum Stephanum⁵ super Wagram superarbitri nostri et^h dictis partibus communiter electi, qui super predictis minutis decimis diffineat pronunciet seu amicabiliter conponat, prout sibi videtur expedire. Hanc autem nostram diffinicionem arbitracionem seu amicabilem conposicionem, ut inviolabiliter observetur, pena fallamurⁱ subscripta, ut quecunque dictarum parcium hanc nostrem pronunciacionem seu amicabilem coposicionem^k infringeret seu in toto vel in parte non servaret, centum et viginti libras Wiennensium denariorum nomine pene solvere teneatur, quarum sexginta^l libras domino Ulrico decano et superarbitro predicto ex^m sexaginta libras denariorum monete predicte nobis arbitris predictis persolvereⁿ omni contradictione et dilacione procul motis. In quorum omnium testimonium et certitudinem pleniorem sigilla honorabilium dominorum domini Wilhelmi decani in Pylchdorf, domini decani ad Sanctum Stephanum super Wagram nec non magistri Petri plebani^o in Obrechtsberg⁶ doctoris decretorum presentibus sunt appensa. Testes vero: magister Hermannus plebanus in Walchundisthwrchen,^p dominus Petrus et Fridricus socii in Nelib et alii quam plure^q fide digni. Actum et datum in curia parrochiali in Nelib in vigilia sancte Katherine virginis anno domini MCCCXXXII.⁷||
Et ego Thedericus de Mitiveide^r quondam Chunradi de Franchenow,⁸ clericus Mizzenensis diocesis, auctoritate imperiali publicus presens instrumentum scripsi meoque signo consueto signavi rogatus specialiter et vocatus.

Source Fulltext: FUCHS, Göttweig I (=FRA II/51, Wien 1901) S. 352-354