Das sind die^a gotshaus zu Kottweig recht, die die purger habent dacz Chotans, und was sy sagent, sagent sy pei irm aid.||
Item so chundents und sagent, das die zway dorf Drendarf¹ und Zeunikch,² und was darczu^e geho^ert und was darauf geschiecht, das an den tod get, das schol man dacz Chotans berechttn und ist auch das von alter je und je recht gewesen, wann es ains aigen von alter ist gewesen und hincz den zwain gotshêusern geben ist von ainer herrschaft.||
Item so hat auch der marcht recht ze Chotans, das alle frêfle wanndel und fliessund wunden auf der widern des gotshaus sind ze Chotweig und darumb der richttêr phennten und aufhaben sol an des pharrêr poten.||
Item es sullen auch die leut, die auf der widem gesessen sind,, mitleiden alles, das den marcht anget, es sey mit steur oder mit ändern Sachen, wie das genannt sey, und davon so schullen die egenanten lêut von meinem herrena dem abbt scherm haben also, ob der pharrêr an sy anders icht pegêrt, denn er recht biet, des schol in mein herr vor sein dann alain seinen dinsts und zins, und darurnb ist dem pharrêr gegeben aus dem urbar ze Gottweig phenning gult und dreizzig mutt zehent, daz er das leiden sol, was in gen dem pischof anget an der leut schaden, die auf der widern gesessen sind. Isst aber, das am man verchauft hat, und wil von im der pharrêr nicht aufnemen und leihen, so sullen die lêut zu dem richtter gen und sol der richtter von in aufnemen und leihen an alleu chrieg.||
Item es ist auch recht, swer gesessen ist auf des gotshaus aigen und auch in demselben lanntgericht, es sein phaffen herren oder chnechtholdn, wie sy genant sein, di geho^emt all in meins herren des abbtes pantaiding und in seine recht.||
Item und ist auch recht, swer der ist, der zimmert auf des gotshaus aigen, es sey in paumgêrtn oder auf êkchern, do hat mein herra der abbt und sein vogt chlag wanndel und alle recht.||
Item es ist auch recht, swer der ist, der sich des gotshaus aigen underwindt, es sey mit chauf oder mit sacz, der sol in jarsfrist aufenphahen von dem richtter. Tett er des nicht, so ist meinem herren dem abbt und dem gotshaus dasselb aigen, wie das genannt ist, vervallen zu ainem recht.||
Item so habents auch recht, swer auf dreizzig phunt hat, dem sol dhain richter noch dhain nachrichtter nicht zusperren umb ainen todslag.||
Item so habents auch recht, ob ir ainer erslagen wu^erd, das in der richtter und der vogt nicht verpieten su^ellen ob der erd, sonder in sol der pharrêr bestattn an allen chrieg.||
Item so chundents auch mer, ob ain man pessert, umb weu das ist, gegn dem gericht, der sol umb dieselb schuld nicht mer pessern.||
Item so chundents auch, das der pfarrêr, richtter und der nachrichtter die waid mit in verdienen sullen.||
Item so chundents auch, daz dhain man sol schenkchen, nach paehchen, nach fleischakchen, dann der aigen rukch hat in dem marcht.||
Item so chundents auch, das niemant an der chirichweig und an zwain unser frawn têg schenkchen sol, wann man das lieeht aufzunt pey der nacht, der ain gast ist.||
Item so chundents auch, wann sy meinem herren dem abbt und seinem vogt varent, so gebent sy dhain wegmautt in dem Mulpach.||
Item si ruegent auch, das der Heuslêr den Pênperkch inn schol haben nu^er zu zwain leibn.||
Item so chundents auch, das die von Walsee die do^erfstat dacz dem Engelsprechts³ meinem herren dem abbt und seinem gotshaus ze unrecht vorhabent.||
Item ob ir ainer ain wanndel verwuricht, das sullen sy gegen dem richtter abtaidign und sol es der vogt stêt haben und sullen die wanndel halbe sein sein und von meins herren leuttn ze drittail.||
Item so chundents auch mer, welicher purger von dem marcht vert, der sol alle seine pu^erchrecht aufgebn mit haus und mit hof, wann man dhain traid von dem marchkt fuern sol ungedroschen.||
Item so chundents, das der richtter dhain pu^erkrecht das zu dem marcht geho^ert, dhainen gast leihen sol zu dem chauff.||
Item so chundents auch, das die wanndel von dem zol meines herren des abbts sind und wer in von im hat, und sol der vogt daran nicht haben.||
Item so chundents auch, ob ain pekch ze chlain pu^eche oder ain leitgeb ze chlain schenkcht oder ain fleischakeher unrains fleisch vailhiet, dieselben wanndel geho^ernt den abbt und seinen richtter an und den vogt nicht||
Item wer wanndel phlichtig ist umb messer oder swert zukchen und was an schaden erget, chumpt er i^er ab vor dem pantaiding acht tag, so sind es zwelef phenning.||
Item so chundents auch, ob ain streichunder dieb cho^em und mit weu er begriffen wu^erd auf dem guet, das ist halbs des abbts und halbs des vogts und sol in der vogt vertign an des abbts lêut mue.||
Item ob der meins herren am schedlich man wêr, do got fur sey, so ist dasselb guet meins herren und der vogt sol uber denselben richten.||
Item so chundents auch, ob der meins herren ainer in inczicht cho^em, so sol im der vogt siczzen und mon sol dem vogt nichts darumb phlichtîg sein.||
Item so chundents, das aller wildpan meins herren von Go^ettweig ist, alsverr sein gericht und gru^ent werdent, wen mon darauf begriff, der da jagt an der phlegêr wil, der wêr des grassea frêvel vervallen.||
0Item so ehu^endents; das dhain lanntrichtter in meins herren gericht ichts ze schaffen sol haben, nu^er meins herren richtter.||
Item so chundents, das alle wanndel von gesten sol ain vogt inpringen.||
Item so chundents, ob ainer ain diep funt in seinem haus und er in erstêch, des sol er unenkolten sein.||
Item so chundents auch., ob ain gast erstochen wurd in meins herren gericht, den sulln sy begraben lassen an am vogt und sullen des all meins herren lêut unenkolten sein gegn dem vogt.||
Item sy meldent auch, das ain vogt nicht mer sol siczzen den zu^e drein eehaftign taiding.||
Item die march des gerichts ze Chotans: hincz Philippen im Graben⁴ hebt sich das gericht an, das gen Chotans gehort, von Philippen im Graben get es auf in Aichperg⁵ nach dem wasserganng u^eber uncz auf das Geschaid⁶ in Stain, vom Stain u^eber uncz gen Wolfenrêutt⁷ durchs darf über der lanntstrass nach uncz in Hinnpach,⁸ vom Hinnpach uncz an die chlain Chrems,⁹ von der chlainen Chrems uncz in den Marienpach.,¹⁰ vom Marchpach auf in Dankcholsêr¹¹ graben under dem Schachchen¹² fu^er mitten in der lanntstrass fu^er uncz in das Nidernmu^elgericht¹³ zu dem Remprechts¹⁴ enuntten in der Chrems¹⁵ auf uncz mitten under die pru^ekk ze Erbenslag¹⁶ in Vischpach,¹⁷ [815] im Vischpach auf uncz auf das Meinbarcz¹⁸ in di Sibenstain.¹⁹ von den Sibenstain über u^encz in Chaltenprunn²⁰ ob Sigenrêutt,²¹ von demselben prunn in Sigenreutterpach, vom Sigenreutter-pach in die chlain Chrems, von der chlainen Chrems in Erchengerspach²² under Sneperg²³ fu^er dem wassergang nach uncz in den Scho^enpu^ehel,²⁴ vom Schonpu^ehel in êrcharczstain²⁵ uncz gen Faistricz²⁶ under die prukk, von Faistricz unez gen Drêndorf²⁷ auf die Chappel,²⁸ von der Chappel über uncz gen Poueit²⁹ in Stain,³⁰ vom Stain am Poueit uncz in den Menharczglet.³¹

Source Fulltext: FUCHS, Göttweig I (=FRA II/51, Wien 1901) S. 811-815