Bonifatius episcopus, servus servorum dei, dilectis filiis, universis vasallis monasterii beate Marie in Gotwico Romane ecclesie immediate subiecti, ordinis sancti Benedicti Pataviensis diocesis, salutem et apostolicam benedictionem. Inter solicitudines etc. Dudum siquidem quondam Iohanne abbati^a monasterii beate Marie in Gotwico, dicte Romane ecclesie immediate subiecti, ordinis sancti Benedicti Pataviensis diocesis regimini eiusdem monasterii presidente nos cupientes eidem monasterio, cum vacaret, per apostolice sedis providenciam utilem et ydoneam presidere personam provisionem ipsius monasterii ordinationi * nostre duximus ea vice specialiter reservandum decernentes extunc irritum et inane, si secus super hiis per quoscunque quavis auctoritate scienter vel ignoranter contingeret attemptari. Postmodum vero dicto monasterio per ipsius Iohannis abbatis obitum, qui extra Romanam curiam diem clausit extremum, abbatis regimine destituto dilecti filii conventus ipsius monasterii reservationis^b et decreti predictorum forsan ignari dilectum filium Petrum abbatem, monachum tunc eiusdem monasterii ordinem ipsum expresse professum et in sacerdocio constitutum, in eorum et dicti monasterii abbatem, licet de facto concorditer elegerunt, ipseque^c Petrus abbas reservacionis et decreti predictorum similiter inscius electioni^d huiusmodi illius sibi presentato decreto de facto similiter consensit ac huiusmodi electionis negocium proponi fecit in consistorio coram nobis. Nos igitur electionem huiusmodi et quecunque inde secuta utpote post et contra reservacionem et decretum predicta^e de facto ut premittitur attemptata irrita prout erant et inania reputantes et ad provisionem eiusdem monasterii celerem et felicem, de qua nullus preter nos ea vice disponere potuerat sive poterat reservacione et decreto obsistentibus supradictis, ne longe vacacionis exponeretur inco modis, paternis et solicitis studiis intendentes post deliberacionem, quam de preficiendo eidem monasterio personam utilem * et etiam fructuosam cum fratribus nostris habuimus diligentem, demum ad dictum Petrum abbatem, cui de religionis zelo litterarum seiencia vite mundicia honestate morum spiritualium providencia et temporalium circumspectione et aliis multiplicium virtutum donis, quibus personam dicti Petri abbatis earum largitur^f dominus insignivit, apud nos fide digna testimonia perhibentur,. direximus oculos nostre mentis, quibus omnibus necnon dictorum conventus ipsum eligencium concordi voluntate attenta meditatione pensatis de persona ipsius Petri abbatis nobis et eisdem fratribus ob dictorum suorum exigenciam meritorum accepta eidem monasterio de dictorum fratrum consilio auctoritate apostolica providimus ipsumque illi prefecimus in abbatem curam et administracionem dicti monasterii sibi in spiritualibus et temporalibus plenarie^g committendo in illo, qui dat gracias et largitur premia, confidentes quod dirigente domino actus suos idem monasterium per ipsius Petri abbatis circumspectionis industriam et studium fructuosum regetur utiliter et prospere dirigetur grataque in eisdem spiritualibus et temporalibus suscipiet incrementa. * Quocirca universitati vestre per apostolica scripta mandamus, quatinus eundem Petrum abbatem pro nostra et sedis apostolice reverencia suscipientes devote et debita obediencia prosequentes ei fidelitatem solitam necnon consueta servicia et iura sibi a vobis debita exhibere integre studeatis, alioquin sentenciam sive penam, quam idem abbas rite tulerit seu statuerit in rebelles, rata habebimus et faciemus auctore domino usque ad satisfactionem condignam inviolabiliter observari. Datum^h Rome apud Sanctum Petrum XV. kalendas decembris, pontificatus nostri anno quarto decimo.

Source Fulltext: FUCHS, Göttweig I (=FRA II/52, Wien 1901) S. 25-27