Innocentius episcopus, servus servorum dei, dilecto filio officiali Olomucensi salutem et apostolicam benedictionem. Conquesti sunt nobis . . abbas et conventus monasterii beate Marie in Gottwico ordinis sancti Benedicti Pataviensis diocesis, quod Bartholomeus Wurffel, perpetuus vicarius parrochialis ecclesie in Nelib dicte diocesis, super quibusdam annuis pensionibus¹ et rebus aliis ad dictum monasterium spectantibus iniuriatur eisdem. Cum [autem]^a idem conquerentes, sicut asserunt, potentiam dicti iniuriantis merito perhorrescentes eum infra [civit]atem^a seu diocesim Pataviensem nequeant convenire secure, discretioni tue per apostolica scripta mandamus, quatenus partibus convocatis audias causam et appellatione remota debito fine decidas fatiens,^b quod decreveris, per censuram ecclesiasticam firmiter observari proviso, ne dicte pensiones contra Lateranensis statuta concilii sint imposite vel adaucte. Testes autem, qui fuerint nominati, si se gratia odio vel timore subtraxerint, censura simili appellatione cessante compellas veritati testimonium^c perhibere. Datum Rome apud Sanctum Petrum V. nonas iulii, pontificatus nostri anno primo.

Source Fulltext: FUCHS, Göttweig I (=FRA II/52, Wien 1901) S. 57