Ich Lienhart Rokkendorffêr bekenn für mich und anstat meiner geswistreid Steffan, Petern und Sigmunden [w]eilent^a Lienharts des Rokkendorffêr von Abbtstorff, meins vater seligen kinder, die noch ungevogt [und] zu irn beschaiden jarn nicht ko^emen sind, dafu^er ich mich als der elter bru^eder gancz annymb un[d t]un kund offennlich mit dem brief, das ich anstat mein selbs und meiner egenanten geswi^estreid dem erbern Wolfgangen dem Behem, burger zu Stain, mein lieben vetern, ganczen und vollen gewalt bevolhen und geben hab wissentlich mit dem brief den leibgedingbrief, den der erwirdig geistlich herr, her Thoman abbt zum Ko^etweig mein genêdiger herr innhat und mir und mein geswistreiden sagt und zugepu^ert über den weingarten gelegen am Gern lautund, an meiner und meiner egemelten geswistreiden stat und zu unsern hannden an denselben mein genêdigen herren den abbt zu ervordern und den von im inczenemen und darumb ze quittirn, ob das zu schulden ku^embt zu gewin und verlust zu gleicher weis und in aller kraft, als ich das selber anstat mein selbs und meiner geswistreid getůn mo^echt, ob ich in aigner person zugegen wer ungevêrlich, mit urkund des briefs besiglten mit der erbern weisen Jo^ergen des Haugen von Prugk, dieczeit des rats der stat zu Wienn, und Hannsen des Rauenspurger, urtailschreiber daselbs, aufgedrukten insigln, die ich zu geczeugnuss der sach mit vleiss d[ar]umb gepeten hab in und irn erben an schaden, darunder ich mich fu^er mich und die egenanten m[ei]ne geswistreid mit mein trewn verpind stet zu halten, das an dem brief geschriben stet. Geben zu .... an eritag vor sand Kathreintag anno domini etc. quadragesimo tercio.

Source Fulltext: FUCHS, Göttweig II (=FRA II/52, Wien 1901) S. 383