Hochwirdiger geistleicher her! etc. Uns zweifelt nicht ewr gnad sey guettermass underricht, wie und in was form unnser herr, her Wilhalm von Puechaim von Herman dem Schaden gefangen worden, das uns pilleich als seinen dienern von eren trewn und pflicht wegen, die wir im schuldig sein, ain getrews laid ist. Nw wissen wir und sein aigenkleich underricht, das des bemelten unsers hern von Puechaim¹ frewnt bei unnserm allergnedigisten herrn menig weg ersuecht und grossen vleis gehabt haben iren vettern und frewnt unserm^a herren aus solcher vennchknu^ess zu pringen, das sy aber unntzher nicht erlangen haben mu^egen. Nw haben wir der sachen halben gemainer lanndschafft ycz geschriben mit allem vleis gebeten gen unserm herrn kaiser oder dem Schaden daran zu sein, damit unnser her obenant in XIIII tagen nach dato des briefs (März 24) aus seiner vencknu^ess erledigt werd etc. Darauf bittn wir ewr gnad in sunderhait und mit allem vleiss, ewr gnad wel zu solchem ratsam und beholfen sein, damit unser her von Puechaim in solcher vorbenanter zeit ledig werde angesehen, das unnser her in unsers hern des kaysers ervodrung dienst und in seiner gnaden ra^etten und sannpoten auch der lanndlêutt glaitt etc. gefangen worden ist. Das etc. Bescha^ech aber des nicht, mag ewr gnad versten, das wir ye als die diener weg fu^ernemen und gedenncken mu^eessen, dadurch wir unnsern hern von Puechaim aus solcher seiner swa^eren vennknu^es bringen, des wir doch lieber vertragen werden. Geben zu Zwetl auf dem perg an suntag reminiscere in der vasten anno etc. im LXV. Von uns, hern Wilhalms von Puechaim verwesern und diennern dem hochwirdigen, geistleichen hern, hern Mertten abbt des goczhaus zu Go^ettweig.

Source Fulltext: FUCHS, Göttweig II (=FRA II/52, Wien 1901) S. 645-646